Masalimo 37:11 - IBAYIBOLO 2024

¹¹ Loli abantu abakwiyisya bakwiza pakupyana ichisu sona bakwiza pakwilagha umutende ghugho ghutakubelengiwa.

Masalimo 37:11 Iomraidhean Croise

Masalimo 119:165

Abantu babo balughanite ululaghilo lwako, bali nu mutende umukulu nkani, Po chitalipo nachimochimo ichakubapunuzya.

Masalimo 25:13

Umuntu yulayula ivintu vyache vikwiza pakumwendelagha akiza, sona abaluko lwache bakwiza pakupyana ichisu.

Masalimo 36:8

Bakwikuta ni vinoni ivya munyumba yako, sona ukubangw'esya amizi agha mulusoko ulwalusayo lwako.

Masalimo 72:7

Pakabalilo kache umugholosu akwiza pakubako, sona ivintu vikwiza pakwenda akiza nkani mupaka umwezi ghuleke pakulama.

Yesaya 26:3

Awe we Mwene we ukubapa umutende uwakufikapo, pabantu babo bakulemasizye pachifukwa ichakuti bakusubiye.

Yesaya 48:18

Nanti mukaghivwilagha amalamulo ghane, po umutende winyu ngali ghukaba ngati lusoko, sona ubugholosu bwinyu, ngali bukubanga ngati mayigha agha panyanja.

Yesaya 57:13

Nanti mukulila ukuti imbavwe, leka ivifwani vyinyu vibapoke! Impepo yikwiza pakubanyamula, po umuyi bulo ukwiza pakubapupuzya. Loli umuntu yuyo akuchimbilila kukwane, weyuyo akwiza pakupyana, nukwikala pighamba lyane izelu.”

Matayi 5:5

Basayiwa abantu babo bakwiyisya, pakuti bakwiza pakupokela zizyo u Chala akabalayizya.

Yohani 14:27

“Nkubalekela umutende. Nkubapa umutende wane. Intakubapa ukuyana namumo ichisu ichapasi chikupelela umutende. Mutakapasyanje mumoyo ghinyu, sona mutakanyilaye.

Ukukumbusya Amalamulo 5:33

Mukonkaye bulo zyosi zizyo u Mwene u Chala winyu abalamuliye, umwakuti ivintu vyosi vibendelaye akiza, sona nukuti mwendelele pakuba nubumi ubutali muchisu chicho mukwiza pakwikalamo.

Aba Filipi 4:7

Po umutende uwakufuma kwa Chala ghugho ghuchilite akivwisizye kosi aka muntu ghukwiza pakusunga akiza amoyo ghinyu, sona ni nyinong'ono zyinyu pakumamatilana poka nu Kilisitu u Yesu.

1 Timoti 6:11

Loli awe, we mubombi uwa Chala uvileghuke ivintu vyosi vinivi. Ubanje nu moyo uwakubulondelezya ubugholosu, nukumunyila u Chala nu lwitiko nu lughano nu bufisalyoyo, sona nu bololo.

Yakobo 1:21

Polelo leka ichizubizya chosi ichibibi, sona ni nkalo yosi imbibi mumwinyu. Mubanje bakwiyisya pakupokela amazyu ghagho u Chala akabyala mumoyo ghinyu. Amazyu ghanagha ghali na maka pakubapoka.

Yakobo 3:13

Nkimba wewenu wamahala nu wakwivwisya mumwinyu? Muleke aghalanjizye ni nkalo yache inyiza, sona ni mbombo zyache izyakwiyisya zizyo zikufuma mumahala.