Masalimo 37:10 - IBAYIBOLO 2024

¹⁰ Pasyala panandi bulo, po abantu ababibi bakwiza pakuzimila, napapo ungabalondelezya loli batakwiza pakwaghiwapo.

Masalimo 37:10 Iomraidhean Croise

2 Abamwene 9:25

U Yehu akamubuzya u Bidikali yuyo akaba we kapitawa uwa ngolo yache iya bwite akati, “Munyamule, umusumbile mumughunda uwa Naboti umu Yezileli. Kumbuka pakabalilo kako tukendagha mungolo zyitu kwisinda ukwa wise u Ahabu, u Mwene akanena nizya Ahabu akati,

Esitele 7:10

Po bakamupayika u Hamani pikwi lilyo akapanga ukuti amupayikepo u Molodikayi. Pisinda pache ubukali ubwa mwene bukatozoka.

Yobu 14:10

Loli umuntu akufwa nukusyiliwa mwipumpa; akufuta akabumalilo, po atakubako sona.

Yobu 20:5

ukuti ukuhoboka ukwa bantu ababibi kwa kabalilo akanandi bulo, sona ukusekela ukwa bantu babo batakumunyila u Chala kutakwendelela.

Yobu 24:24

Bakukweziwa pakabalilo akanandi bulo, po bakuzimila. Bakwisiwa pasi nukubunganikiwa ngati bantu abanji bosi, sona bakudumuliwa ngati mitu iya malezi.

Yobu 7:10

Atakunyokela sona kunyumba yache, akaya kache kakumuluvya.

Yobu 7:21

Nkimba choni chicho utakuzimya ukunanga kwane nukuzihobokela imbibi zyane? Pakuti losi ulu nkwinjila mwipumpa, ukwiza pakundondelezya, loli utakwiza pakunyennya nalumo.”

Masalimo 103:16

Nanti impepo yaputa, ghakuzyebeluka bulo, ubuzilo bwache butakubukumbuka sona.

Masalimo 49:10

Naloli umuntu wesi angennya ukuti abantu abamahala bope bakufwanga. Bope abapunganu na babo bate na mahala bakufwanga, nukubalekela abantu abanji bulo ubukabi bwabo.

Masalimo 52:5

Naloli u Chala akubanangannya bwila na bwila. Akwiza pakukuzompola munyumba yako, sona akwiza pakukunyunkulamo muchisu icha bantu abumi.

Ivyili 14:11

Inyumba iya muntu umubibi yikunanganika, loli ichisakasa icha muntu umugholosu chikwikalana.

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.