Masalimo 37:1 - IBAYIBOLO 2024

¹ Utakapasyanje pachifukwa icha bantu ababibi, pamo utakabanje na kabini na bantu babo bakubomba ububibi.

Masalimo 37:1 Iomraidhean Croise

Yobu 17:8

Abantu abagholosu bakuswigha nazyo zinizi, abasita chifukwa nachimochimo, bakubakalalila babo batakumunyila u Chala.

Masalimo 37:7

Banga bulo myee pamaso pa Mwene, sona umulindililaye yuyo nu bufisalyoyo. Utakapasyanje nanti abanji ivintu vikubendela akiza, sona nanti bakubomba imbombo zyabo imbibi.

Masalimo 73:3

Pakuti nkaba nakabini na bantu abakwituvya, bo nkubennya ababibi ukuti ivintu vikubendela akiza.

Ivyili 19:3

Ubupunganu ubwa muntu bukubunangannya ubumi bwache, pope bulo umoyo wache ghukumukalali u Mwene.

Ivyili 23:17

Utakanyonywanje zizyo abantu ababibi bakubomba, loli akabalilo kosi ubanje we walweke pakumunyila u Mwene.

Ivyili 24:1

Utakamunyonywanje umuntu umubibi, utakakanyonywanje akabukatila kabo.

Ivyili 24:19

Utakapasyanje nu muntu umubibi, pamo ukumunyonnya umuntu umubibi.

Ivyili 3:31

Utakabunyonywanje ubumi ubwa muntu uwalombwa, pamo ukweghelela inkalo yache.

Umulumbilili 8:13

Loli umuntu umubibi ivintu vitakumwendelagha akiza, pachifukwa ichakuti atakumuchindika u Chala, sona amasiku agha bumi bwache ghali ngati gho muzyezye.

Aba Galatiya 5:21

ni nkwini nu bwaching'wela nu bupafu, sona ni vintu ivinji. Nkubasoka sona ukuyana namumo nkabasokela pakwanda ukuti abantu babo bakwikala bunubu batakwiza pakupyana Ubumwene ubwa Chala.