Masalimo 36:8 - IBAYIBOLO 2024

⁸ Bakwikuta ni vinoni ivya munyumba yako, sona ukubangw'esya amizi agha mulusoko ulwalusayo lwako.

Masalimo 36:8 Iomraidhean Croise

Yobu 20:17

Atakwiza pakwilagha utusoko, tuto mukwenda ubuchi nu lukama.

Masalimo 16:11

Wandanjizya izila iyakubukila kubumi, sona ukwiza pakunyizuzya nu buhobosu Sona nkwiza pakuhoboka bwila na bwila kunyobe yako indilo.

Masalimo 17:15

Loli ane nkwiza pakuchennya icheni chako, pakuti inte ninongwa nayimoyimo. Bo nalamusya nkwiza pakuhoboka nkani pakuti nkwiza pakwenannya nawe.

Masalimo 17:8

Unsungililaye ngati po ne mboni iya lyiso, unfisaye kusi kuvipapande vyako.

Masalimo 31:20

Ukubafisa mukazundila aka bubapo bwako, ukubavighilila ku bantu ababibi. Ukubasungilila akiza munyumba yako, ukubapoka munyobe izya bantu abamyasi.

Masalimo 46:4

Pali ulusoko lumo lulo utusoko twache tukubahobosyanga abantu aba mukaya akakulu nkani aka Chala, ubuzilo bubo buzelu bubo Uwakumwanya Nkani akwikalako.

Masalimo 63:5

Umoyo wane ghukwiza pakuba ngati poghukwikuta ni vintu ivinoni, sona umulomo wane ghukwiza pakwimba, inyimbo izyakukupalizikizya.

Masalimo 65:4

Basayiwa abantu babo ukabasala, nukubapalamizya papipi nawe ukuti bikalaye, mulubinjilo lwako ulwanongwa. Pakuti tukwiza pakwikuta ivintu ivyiza ivya munyumba yako, inyumba izelu.

Inyimbo izya Solomoni 5:1

Wee wapamoyo wane, sona mughaniwa wane, ninjila mumughunda wane. Indi pakwilagha amafuta agha mule, poka nu twakufukizya utwakununkila utunji. Nkulya ichitenga poka nu buchi bwache, sona nkung'wela uvinyo wane poka nu lukama lwane. Mwee bamanyani bane, lyanga, ng'welagha mupaka papo mwikuta, mwee baghaniwa bane.

Yesaya 25:6

Pighamba linili po papo u Mwene Uwamaka Ghosi, akwiza pakuyannya ichakulya icha palusekelo ulwa inko zyosi, ulusekelo ulwa vinyo sona ni nyama inonu.

Yesaya 43:20

Napapo vinyamana ivya munkolongo vikunchindika, abakambwe ni nkukutembo vikwiza pakumpala, pachifukwa ichakuti nkuvipa amizi munkolongo, ukuti imbape amizi abantu bane abasaliwa munkolongo.

Yesaya 48:21

Bo u Mwene akulongozya abantu bache munkolongo, inyota yitakabalema. Akafumya amizi mwilyalabwe, akazepula ilyalabwe po amizi ghakafuma.

Yesaya 58:11

U Mwene akwiza pakukulongozya akabalilo kosi, nukubapa ivintu ivyiza, nukubapa amaka mumabili ghinyu. Mukwiza pakuba ngati mughunda, ghugho ghusembeliwe akiza, ngati chiziba chicho amizi ghatakumalamo.

Zekaliya 9:17

Mwee, nkimba bo bwiza boni nukuboneka akiza ukwa chisu chinichi Ingano yikwiza pakubapela abalumendo pakuba bamaka? Sona uvinyo umupya akwiza pakubapela abalindu pakuba bamaka.

Matayi 5:6

Basayiwa abantu babo bali nizala ni nyota iya bugholosu, pakuti u Chala akwiza pakubikutizya.

Yohani 7:37

Pisiku ilyabumalilo ilya lusekelo, lilyo likaba ilya pamwanya nkani, u Yesu akimilila nukunena na mazyu agha pamwanya ukuti, “Umuntu wesi yuyo ali ni nyota ize kukwane nukung'wela.