Masalimo 36:6 - IBAYIBOLO 2024

⁶ Ubugholosu bwako buli ngati maghamba aghamaka, sona ubwanaloli bwako bope buli ngati nyanja inyibizu. Wee Mwene, ukubasungililagha abantu ni vinyamana.

Masalimo 36:6 Iomraidhean Croise

Ubwandilo 18:25

Naloli momumo utangabaghogha abantu abagholosu poka na bantu abambibi. Awe, ichi chitangabombiwa! Utangachibomba! Nanti ungachibomba, kokuti abantu abagholosu bangafundiwa poka na bantu abambibi. Umulongi uwa chisu chosi ichapasi abombaye ubwanaloli.”

Nehemiya 9:6

Awe we Mwene mpela. Ukapela kumwanya sona na kumwanya nkani ni ntondwa zyosi ni chisu ichapasi poka na vyosi vivyo vili mulamula ni nyanja poka na vyosi vivyo vili mulamula. Awe ukavipa ubumi ivintu vyosi, sona vyosi ivya kumwanya vikukwiputa.

Yobu 37:23

Uwamaka Ghosi tutangamupalamila, pakuti mukulu, sona wamaka. Mubugholosu bwache atakubayivya abantu.

Yobu 7:20

Wee Mwenelezi uwa bantu, nanti nananga, nkimba nakunangila ichoni? Nkimba choni chicho naba ne chakumanyililapo ukulasa? Fwandi naba ne mutamye kukwako?

Masalimo 145:9

U Mwene mwiza ku bantu bosi, sona ali ni chililizi pavipeliwa vyache vyosi.

Masalimo 147:9

Akuvipa ivinyamana ichakulya, sona nanti utwana utwa chigobe tukulila akutupanga ichakulya.

Masalimo 31:20

Ukubafisa mukazundila aka bubapo bwako, ukubavighilila ku bantu ababibi. Ukubasungilila akiza munyumba yako, ukubapoka munyobe izya bantu abamyasi.

Masalimo 71:19

Wee Chala, ubugholosu bwako bwafika mupaka ko kumwanya, sona wabomba ivintu ivikulu nkani, Wee Chala, nkimba wewenu ayanite nawe?

Masalimo 77:19

Ukadumusannya pamayigha aghamaka nkani, izila yako yikenda pamizi amibizu, pope bulo ukudindiwa ukwanyayo zyako kutakaboneka.

Masalimo 92:5

Imbombo zyako nkulu nkani, we Mwene Zyope inyinong'ono zyako nyibizu nkani.

Masalimo 97:2

Amabingu ni chisi vimuzyunguliye, ubugholosu nu bwanaloli vyo vivyo vikwikazya ichitengo chache.

Ukufuma 9:28

Iputa kwa Mwene ukuti ukupaya ni vula iya mabwe vileke, po nkwiza pakubitikizya ukuti mubukaye. Amwe mutabaghiye pakwikala sona kuno.”

Yesaya 40:28

Nkimba mutazimenye? Nkimba mutivuye? U Mwene we Chala uwa bwila na bwila, umupeli uwa bumalilo ubwa chisu. Atakulita pamo ukudedebala, atalipo nayumo yuyo angaghamanya amahala ghache.

Yesaya 45:19

Intakanenela kubusyefu, pamo pabuzilo bumo muchisu icha chisi. Intakababuzya abaluko ulwa Yakobo ukuti, “Mundondaye po pate imbombo nayimoyimo.” Ane ne Mwene, nkunena ubwanaloli, nukuzifumusya zizyo ngolosu.

Yelemiya 12:1

Wee Mwene umugholosu, nalondagha pakususannya nawe. Nkimba choni chicho ababibi bakwendelelagha pakuba bakabi? Nkimba choni chicho ivintu vikubendelagha akiza abazimbuli?

Nkuto 3:23

Ichisa chache chikubanga chipya pandabindabi posi, sona we musubiliwa umwakufikapo.

Yona 4:11

Po zingaba bulibuli nane, nkimba intangaba ni chitima nakaya akakulu nkani aka Ninive, mumo muli abantu abakuchila 120,000, babo batamenye pakulesannya ichintu ichiza ni chibibi, sona mumo vilimo ivitekwa ivyinji nkani?”

Aba Loma 11:33

Mwee, bo bukabi boni ubwa Chala! Amahala ghache nu bumanyi bwache vyibizu nkani! Wewenu yuyo angalingannya ubulongi bwache? Nkimba wewenu angivwisya izila zyache?

Aba Loma 3:25

U Chala akamubika ukuti chibanje chakwiyipa, ukuti ukwendela mu bufwe bwache imbibi izya bantu zihobokeliwe, abantu babo bakumusubila. U Chala akabomba bunubu ukuti alanjizye ubugholosu bwache, pachifukwa icha bufisalyoyo bwache atakabafundila zila abantu babo bakananga.

Ukukumbusya Amalamulo 32:4

U Mwene we Lyalabwe, sona imbombo zyache zyakufikapo, izila zyache zyosi ngolosu. U Chala we musubiliwa, yuyo atakubombapo nayimoyimo imbibi, sona we Chala umugholosu nu wanaloli.

Ukukumbusya Amalamulo 7:9

Polelo mumanye ukuti u Mwene u Chala winyu we Chala, sona we musubiliwa umwakuti akwiza pakulusunga ulufingo ulwakulanjizya ulughano lwache pa nkulilo amasabuzani izya bantu babo bamughanite nukukonka amalamulo ghache.

1 Timoti 4:10

Ichi cho chifukwa tukwiyula nukubomba nkani imbombo, pakuti twabika ulusubilo lwitu mwa Chala umumi, yuyo Mupoki uwa bantu bosi, sona nkaninkani uwa bantu babo bakusubila.

1 Samuweli 14:15

Abasilikali babo bakaba muvisakasa, na babo bakaba mumaghunda, na balindilili, sona naba mukabukatila akakufyula ivintu bakavulungana nkani pachifukwa icha bogha. U Chala akabatumila ukuvulungana ukukulu nkani, umwakuti ichisu chikaneng'ena, sona kukaba akasenyenta.