Masalimo 36:3 - IBAYIBOLO 2024

³ Amazyu agha mumulomo wache mabibi sona mazimbuli, alekite pakuba muntu uwamahala, umwakuti atakubomba nabumobumo ubwiza.

Masalimo 36:3 Iomraidhean Croise

2 Samuweli 22:22

Pakuti nazikonkagha indaghilo izya Mwene, sona ntabombitepo nayimo imbibi nukumukana u Chala wane.

2 Imbili 20:32

U Yehoshafati akabomba zizyo uwise u Asa akabomba. Akabomba ingolosu pamaso pa Mwene.

Masalimo 10:7

Mumulomo wache mwizuye vyo vighune, nu bumyasi, na mazyu amababe. Ululimi lwache lope lukwiza pakubapelela bulo abanji intamyo, sona ni mbibi.

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 140:3

Bakupyasya indimi zyabo ukuti zibanje ngati zya njoka, mumulomo wabo muli ubwanga ubwa bachipili.

Masalimo 5:9

Pakuti amazyu ghabo ghate masubiliwa napo panandi, sona amoyo ghabo ghizuye ni vintu ivyakunangannya bulo. Amamilo ghabo mighuke ngati gho mapumpa, sona indimi zyabo zikunena bo bumyasi bwene.

Masalimo 55:21

Amazyu ghache matonte nkani ngati mafuta agha lukama, loli mumoyo wache muli ubwite. Amazyu ghache matonte nkani ukuchila amafuta loli ghayanite bulo na bapanga.

Masalimo 58:3

Abantu ababibi bakusobela ukwandila bo bachili bali mulwanda, sona abantu abamyasi bakusobela ukwanda pisiku ilya kupapiwa kwabo.

Masalimo 94:8

Ivwa kuno mwebapunganu amwe sona mwe basita mahala mwee! Nkimba mukwiza pakuba na mahala liyi?

Ivyili 4:16

Batangaghona utulo nanti batabombitepo chimo ichibibi; sona batakughona utulo mupaka bamupunuzye umuntu yumo.

Yelemiya 4:22

U Mwene akuti, “Abantu bane bapunganu, batammenye. Abana babo batakwinong'ona, sona batakwivwisya. Bo bafundi pakubomba ububibi, loli batamenye na pakubomba ubwiza.”

Hoseya 8:3

Loli aba Izilayeli bachikana chicho chiza, po umulwani akwiza pakubachimbizya.

Zefaniya 1:6

Nkwiza pakubanangannya abantu babo bakukana pakumukonka u Mwene sona babo batakumulondelezya pamo pakumubuzikizya u Mwene.”

Matayi 22:35

po weka mumwabo, umumanyisi uwa Ndaghilo, akayezya pakumutegha pakumulalusya.

Luka 11:25

Po ghukunyokela nukuyagha inyumba yila yite nako kamo mukasi, sona yiswepite nukuyaniziwa akiza.

Aba Hebeli 10:39

Aswe tute twe bantu babo bakunyokela kwisinda nukusobela, awe. Loli twe bantu aba lwitiko, sona tupokiwe.

1 Yohani 2:19

Naloli abantu banaba batakaba ba kabukatila kitu, cho chifukwa bakatuchimbila. Nanti bakabanga ba kabukatila kitu, ngali batakatuchimbila. Loli bakatuchimbila umwakuti chiboneke pabuzelu ukuti naloli atakabapo nayumo umuntu yuyo akaba wa kabukatila kitu.

1 Samuweli 15:26

Loli u Samuweli akamubuzya akati, “Ntangabuka poka nawe, pakuti ukaghakana amalamulo agha Mwene, po wepe akukana ukuti utakabanje we mwene uwa ba Izilayeli.”

1 Samuweli 16:14

Pakabalilo kalakala umuzimu uwa Mwene akepamo mwa Sabuli, sona umuzimu umubibi uwakufuma kwa Mwene ghukanda pakumutamya.

1 Samuweli 18:21

U Sabuli akati, “Nkwiza pakumupa u Mikali ukuti abanje chipingo, umwakuti aba Filisiti bamughoghe.” Po u Sabuli akamubuzya u Devedi akabubili akati, “Losi ulu ukwiza pakuba we mukwalima wane.”

1 Samuweli 26:21

Po u Sabuli akati, “Wee Devedi mwana wane, nananga nyokela! Ntakwiza pakukubombela sona nachimochimo ichintu ichibibi pakuti ubumi bwane wabupima pakuba bwapamwanya nkani. Naloli ane nkabomba ivyabupunganu, sona nkapuvya nkani.”