Masalimo 36:2 - IBAYIBOLO 2024

² Pakuti akwizimbula mwene mumoyo wache umwakuti atangazyaghannya imbibi zyache nukuzibenga.

Masalimo 36:2 Iomraidhean Croise

Masalimo 10:3

Umubibi akwituvya ni vinyonywa ivya moyo wache, sona akumupala umupafu nukumusamula u Mwene.

Masalimo 49:18

Napapo akiyennyanga mwene pakuba musayiwa bo mumi, sona nanti abantu bope bakukupala bo vikukwendela akiza,

Yelemiya 17:9

U moyo uwa muntu chintu ichizimbuli ukuchila ivintu vyosi. Nkimba wenu yuyo angawivwisya?

Yelemiya 2:23

“Nkimba unganena bulibuli ukuti, ‘Ntinyazizyepo, sona ntabiputitepo lumo aba Baala’? Ennya mumo ukabombela mwikombe, sona wennye nazizyo ukabomba. Wayana bulo ni ngamila inkolo yiyo yikuchimbilila uku na kula,

Yelemiya 36:24

U mwene na babombi bache babo bakivwa amazyu ghanagha, batakaba nubogha nabumobumo, pamo ukuzepulannya amenda ghabo.

Luka 10:29

Loli umumanyisi uwa Ndaghilo yula akalondagha pakwinena mwene pakuba mugholosu, po akamulalusya u Yesu akati, “Nkimba umupalamani wane wewenu?”

Aba Loma 10:3

Batazimenye mumo u Chala akubanenela abantu pakuba bagholosu pantazi papache, loli bakuyezya pakubika izila izinji, po batakwibikila bene izila yiyo u Chala akubanenela abantu pakuba bagholosu pantazi papache.

Aba Loma 3:9

Po tungati choni? Nkimba aswe twe ba Yuda twe biza ukuchila abantu babo bate ba Yuda? Awe, napo panandi! Twanena kale ukuti aba Yuda na bantu babo bate ba Yuda, twebosi poka tuli pasi pabulaghili ubwa mbibi.

Aba Loma 7:9

Ane nemwene nkaba mumi bo intazimenye indaghilo. Loli bo nanda pakughamanya amalamulo, imbibi yikanda pakuzizimuka,

Ukukumbusya Amalamulo 29:19

Mwenelezye nkani ukuti atakabepo nayumoyumo umuntu pakasi papinyu ilelo, yuyo akwivwa amazyu ghanagha loli akunena mumoyo wache akuti, “Ivintu vyosi vikunyendela akiza bulo, napapo nkubomba ubwighane bwane.” Panapa akwiza pakwipalaghulila mwene ukunanganika manyi muntu umubibi manyi muntu umwiza bulo.