Masalimo 35:1 - IBAYIBOLO 2024

¹ Wee Mwene, ubasusyanje abantu babo bakususannya nane, sona lwana na bantu babo bakulwa nane.

Masalimo 35:1 Iomraidhean Croise

Nehemiya 4:20

Nanti mwivwa ipati, mwizaye lubilolubilo. U Chala witu akwiza pakutulwila ubwite.”

Masalimo 119:154

Unyimile pa nongwa yane sona umpoke, umpe ubumi ukuyana ni layizyo lyako.

Masalimo 43:1

Wee Chala, umpimaye pakuba ne muntu yuyo atanangitepo, unyimilaye panongwa yane na bantu babo batakumenye, sona umpokaye munyobe izya bantu abazimbuli na babibi.

Ukufuma 14:14

U Mwene akwiza pakubalwila ubwite, amwe banga bulo myee.”

Ukufuma 14:25

U Mwene akazibadizya ingolo zyabo izya bwite zila, umwakuti bakatamiwa nkani pakuzyendezya. Aba Ijiputi bakati, “Zagha tubaleke bulo aba Izilayeli! U Mwene akubalwila ubwite.”

Ukufuma 23:22

Loli nanti mukumwivwila nukubomba zyosi zizyo nkubalamula, ane nkwiza pakuba ne mulwani uwa balwani winyu, sona nkwiza pakulwana na bantu bosi babo bakubasusya.

Ivyili 22:23

Pakuti u Mwene akwiza pakwivwa inongwa yache, sona akwiza pakubafyula ubumi babo bakamufyulagha ivintu vyache.

Ivyili 23:11

Pakuti umuvighilili wabo wamaka nkani, akwiza pakubimila pa nongwa yabo.

Yesaya 49:25

U Mwene akuti, “Naloli, abakayidi bakwiza pakufyuliwa kubalwabwite, nivyakufyula bulo vyope vikwiza pakufyuliwa ku bantu abakali, chifukwa nkwiza pakulwana nabo, babo bakulwana nawe, po nkwiza pakubapoka abana bako.

Yelemiya 51:36

Polelo u Mwene akuti, “Nkwiza pakukulwila ubwite, nukukutanizya. Nkwiza pakupwezya inyanja izya Babiloni, sona nkwiza pakupwezya imbwibwi zyache.

Nkuto 3:58

“Wee Mwene unyavwe panongwa yane, nukubupoka ubumi bwane.

Mika 7:9

Pachifukwa ichakuti imunangiye u Mwene, nkwiza pakujimba kubukali bwache mupaka alonge inongwa yane nukuyidumula. Akwiza pakunyinjizya mulukozyo, po nkwiza pakubwennya ubugholosu bwache.

Imbombo 23:9

Kukaba ichongo ichikulu nkani, po abamanyisi bamo aba Ndaghilo babo bakaba aba mukabukatila aka ba Falisayi bakimilila nukukana nkani ukuti, “Tutakuchagha nachimochimo chicho umuntu uyu anangite. Buli nanti umuzimu pamo uwantumi anenite nawe?”

Imbombo 5:39

loli nanti vikufuma kwa Chala, mutangabapota. Mukwiza pakwennya mwebene ukuti mukulwana nu Chala!” Abalongi bakivwila zizyo u Gamaliyeli akanenagha.

Yoshwa 10:42

U Yoshwa akabapota abamwene banaba poka ni vyisu vyabo pakabalilo koka, pachifukwa ichakuti u Mwene u Chala uwa ba Izilayeli akabalwilagha ubwite aba Izilayeli.

1 Samuweli 24:15

U Mwene alonge nukumwagha yuyo amunangila uwamwabo pakasi papako nane, sona anyimilaye nukumpoka munyobe zyako.