Masalimo 34:8 - IBAYIBOLO 2024

⁸ Mumuyezyanje, po mukwiza pakumanya ukuti u Mwene mwiza. Musayiwa umuntu yuyo akuchimbilila kukwache.

Masalimo 34:8 Iomraidhean Croise

Ubwandilo 48:16

Uwantumi yuyo akampoka ane kububibi bosi, abasaye abana babili banaba. Itabwa lyane ni tabwa ilya batata bane u Abulahamu nu Yisaki lyendelele pakubapo ukwendela mubana banaba. Bapapaye nkani, nukuba baluko ulukulu nkani.”

Masalimo 119:103

Mwee, amazyu ghako manoni nkani mumulomo wane, manoni nkani ukuchila ubuchi!

Masalimo 2:12

Mumuchindikaye lumo angabakalalila nukubanangannya, pakuti ubukali bwache bukwaka lubilolubilo. Basayiwa bosi babo bakuchimbilila kukwache.

Masalimo 36:10

Ubaghanaye abantu babo bakumenye, sona ubalanjizyanje ubulugholosu abantu babo bali na moyo aghanaloli.

Masalimo 36:7

Ulughano lwako lwapamwanya nkani, sona abantu bako bakuvwamila kusi ku vipapande vyako.

Masalimo 52:1

Wee muntu uwamaka, nkimba choni chicho ukwituvikizya imbombo zyako imbibi? Fwandi choni chicho ukwituvya isiku lyosi, awe we muntu umukozya isoni pamaso pa Chala?

Masalimo 63:5

Umoyo wane ghukwiza pakuba ngati poghukwikuta ni vintu ivinoni, sona umulomo wane ghukwiza pakwimba, inyimbo izyakukupalizikizya.

Masalimo 84:12

Wee Mwene Uwamaka Ghosi, basayiwa abantu babo bakukusubila.

Inyimbo izya Solomoni 2:3

Ngati mumo libeleye ikwi ilya manyele mumusitu, momumo abeleye umughaniwa wane pakasi pa balumendo. Nkuhoboka nkani pakwikala mukazundila kache, sona ivikomwa vyache vyope vikunona nkani mumulomo wane.

Inyimbo izya Solomoni 5:1

Wee wapamoyo wane, sona mughaniwa wane, ninjila mumughunda wane. Indi pakwilagha amafuta agha mule, poka nu twakufukizya utwakununkila utunji. Nkulya ichitenga poka nu buchi bwache, sona nkung'wela uvinyo wane poka nu lukama lwane. Mwee bamanyani bane, lyanga, ng'welagha mupaka papo mwikuta, mwee baghaniwa bane.

Yelemiya 31:14

Nkwiza pakubikutizya abaputi ni vyakulya ivyinji, sona abantu bakwiza pakubizuzya na vyosi vivyo bakuvilonda. Ane ne Mwene nanena.”

Daniyeli 3:28

Po u Nebukadineza akati, “Apaliwanje u Chala uwa Shadiliki nu Meshaki nu Abedinego, yuyo amutuma uwantumi wache pakubapoka ababombi bache! Bakamusubila u Chala nukulusulannya ululaghilo ulwa mwene, sona bakiyannya pakwiyipa ubumi bwabo bosi ukuti bamubombelaye u Chala wabo nukusita ukuti bamubombelaye pamo ukumwiputa uchala uyunji.

Zekaliya 9:17

Mwee, nkimba bo bwiza boni nukuboneka akiza ukwa chisu chinichi Ingano yikwiza pakubapela abalumendo pakuba bamaka? Sona uvinyo umupya akwiza pakubapela abalindu pakuba bamaka.