Masalimo 34:4 - IBAYIBOLO 2024

⁴ Nkiputa kwa Mwene, po akanyamula, akampoka ku vyosi vivyo nkavinyilagha.

Masalimo 34:4 Iomraidhean Croise

2 Imbili 15:2

Po akabuka pakukomana nu Asa nukumubuzya ukuti, “Wee Asa na mwebosi mwe bantu aba mu Yuda naba mu Benjamini ivwa kuno! U Mwene akuba namwe nanti mukuba nawe. Nanti mukumulondelezya, mukwiza pakumwagha, loli nanti mukumukana, wepe akwiza pakubakana.

Masalimo 18:6

Bo indi mumayimba, nkamwitizya u Mwene, sona nkamulililagha u Chala wane ukuti anyavwe. Akanyivwanga bo ali mu Nyumba yache, sona ukulila kwane kukivwikagha mumakutu ghache.

Masalimo 22:24

Pakuti atamusulitepo pamo ukumukana umuntu yuyo akuyimba pachifukwa icha ntamyo. Atamufisitepo icheni chache, loli ateghelezya bo akulila ukuti amwavwe.

Masalimo 31:22

Bo nachenuka nkati, “Mwee nachimbiziwa pamaso papako!” Loli ukivwa ukulila kwane ukuti umpelelaye ichisa, bo nakwitizya ukuti unyavwe.

Masalimo 35:27

Balulutilaye nukusekela abantu babo bakulonda ukubwennya ubugholosu bwane, akabalilo kosi batinji, “U Mwene akweziwanje, akuhoboka nkani nu bwiza ubwa mubombi wache.”

Masalimo 40:17

Loli ane ne mupina sona mupotwe, po u Mwene anyinong'onelaye. Wee Chala wane, we mwavwilizi wane sona we mutabuli wane, utakazyelaye.

Masalimo 46:2

Polelo tutakumunyila, napapo ichisu ichapasi chinganduka, napapo amaghamba ghangawila munyanja inyibizu.

Masalimo 56:3

Nanti ubogha bwandema, nkwiza pakukusubila wewe.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yona 2:2

“Wee Mwene bo indi muntamyo inkulu nkani nkakwitizya, po ukanyamula. Bo indi mukasi muchisu icha bantu abafwe, nkakulilila ukuti unyivwe, po ukanyivwa.

Matayi 7:7

“Mulabaye, po mukwiza pakupokela. Mulondaye, po mukwiza pakuvyagha, sona mukong'osyanje, po ulwiyi lukwiza pakubighukila.

Luka 11:9

“Po nkubabuzya ukuti, Mulabaye, po mukwiza pakupokela. Mulondaye, po mukwiza pakuvyagha, sona mukong'osyanje, po ulwiyi lukwiza pakubighukila.

2 Timoti 1:7

Pakuti u Muzimu yuyo u Chala akatupa, atakutupela pakuba bogha, loli weyuyo akutupa amaka nu lughano, sona nukwilema.

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.

1 Samuweli 27:1

U Devedi akanena mwene akati, “Isiku limo u Sabuli akwiza pakungogha. Chingaba chizapo ukuti insamalile kuchisu icha ba Filisiti. U Sabuli atakwiza pakundondelezya mu Izilayeli muno, po nkwiza pakupona.”