Masalimo 34:18 - IBAYIBOLO 2024

¹⁸ U Mwene ali papipi na babo bavulaye mumoyo, sona akubapoka babo banyokeye kwisinda.

Masalimo 34:18 Iomraidhean Croise

2 Abamwene 20:5

“Nyokela umubuzye u Hezekiya, umulongozi uwa bantu bane uti: U Mwene, u Chala uwa munyenya wako u Devedi akuti, ‘Ane nivwa ulwiputo lwako, sona naghennya amasozi ghako, nkwiza pakukupozya umwakuti pisiku ilyabutatu ukwanda ilelo, ukwiza pakubuka ku Nyumba iya Mwene.

2 Abamwene 22:19

Pachifukwa ichakuti wapinduka, nukwiyisya wemwene pamaso pa Mwene, bo wivwa amazyu aghakususannya nakaya akakulu nkani kanaka, poka na bantu bache, ukuti kakwiza pakuba chisami, sona kakwiza pakughuniwa. Pakuti ukazepula inkazo yako nukulila pamaso papane, nane nivwa ulwiputo lwako. U Mwene anena.

Masalimo 119:151

Wee Mwene, loli awe uli papipi, sona ghope amalamulo ghako ghanaloli.

Masalimo 145:18

U Mwene akuba papipi na bosi babo bakumwitizya, kokuti bosi babo bakumwitizya mubwanaloli.

Masalimo 145:19

Akubapa vivyo bakulonda babo bakumuchindika akwivwa ukulila kwabo nukubapoka.

Masalimo 147:3

Akubapozya babo bavulaye amoyo, nukubapinya ivilonda vyabo.

Masalimo 18:7

Ichisu ichapasi chikatetemagha nukukayingana, sona ulwalo ulwamaghamba lukayinganagha, pachifukwa ichakuti akakalala.

Masalimo 51:17

Ivyakwiyipa vivyo vikumuhobosya u Chala, gho muzimu uwakwiyisya, po u Chala utakwiza pakughusulannya umoyo uwakwiyisya.

Masalimo 75:1

Wee Chala tukukupalizya, tukukupalizya pakuti itabwa lyako lili papipi, sona abantu bakufumusya nizya mbombo zyako izyakuswighisya.

Masalimo 85:9

Naloli ubupoki buli papipi na bantu babo bakumunyila, po ubuchindamu bwache bubanjeko pachisu chitu.

Yesaya 55:6

Mulondelezye u Mwene pakabalilo kako angaghiwa, mumwitizye bo ali papipi.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Yesaya 66:2

Ivintu vyosi nene nkavipela, po vyosi vinivi vyane.” U Mwene anena “Loli umuntu yuyo nkumulonda, we muntu yuyo akwiyisya, yuyo apindukite nukuzileka imbibi zyache, sona yuyo akunyila nukughivwila amazyu ghane.

Ezekiyeli 36:26

Nkwiza pakubapa umoyo umupya nukubikamo mumwinyu umuzimu umupya, nukwefya umoyo umukafu nukubapa umoyo uwa kwivwila.

Ezekiyeli 36:31

Po mukwiza pakukumbuka izila zyinyu imbibi nimbombo zyinyu imbibi, sona mukwiza pakuba nisoni pachifukwa icha mbibi zyinyu nivya bunyazu vivyo mukabomba

Luka 4:18

“U Muzimu uwa Mwene ali papane pachifukwa ichakuti ampakazya ukuti indumbilile amazyu amiza pakasi pabantu abapina. Antuma ukuti imfumusye ubusatuke ubwa babo bali mujele nukuti abafwamaso bennyanje sona nukubapa ubusatuke babo bakukanyililiwa.