Masalimo 34:15 - IBAYIBOLO 2024

¹⁵ Amaso agha Mwene ghakubennyanga abantu abagholosu, sona amakutu ghache ghakuteghelezya ukulila kwabo.

Masalimo 34:15 Iomraidhean Croise

2 Imbili 6:40

“Polelo we Chala wane, leka amaso ghako ghennye, sona amakutu ghako ghateghelezye inyiputo zizyo abantu bako bakwiputa pabuzilo ubu.

Yobu 36:7

Abagholosu akubenelezya akabalilo kosi. Akubikazya pavitengo ivya bumwene, nukubakwezya bwila na bwila.

Masalimo 130:2

Wee Mwene, ivwa ukulila kwane, amakutu ghako ghivwanje ukulila kwane ukuti umpelelaye ichisa.

Masalimo 33:18

Loli amaso agha Mwene ghali pabantu babo bakumuchindika, kokuti abantu babo bamusubiye, pachifukwa icha lughano lwache, lulo lutakupotwangapo nalumolumo.

Masalimo 34:17

Nanti abagholosu balila, u Mwene akubivwanga, po akubapoka muntamyo zyabo zyosi.

Masalimo 34:6

Umuntu umupina uyu akalila, po u Mwene akamwivwa, sona akamupoka muntamyo zyache zyosi.

Masalimo 37:27

Ubuleghukaye ububibi, sona ubombaye inyiza, po ukwiza pakwikalagha muchisu bwila na bwila.

Zekaliya 8:16

Ivintu vivyo mubombaye vyo ivi: Umuntu wesi anenaye ubwanaloli kuwamwabo, sona mulongelaye inongwa mubwanaloli na mumutende,

Zekaliya 8:19

U Mwene Uwamaka Ghosi akuti, “Mutuzyanje pakulya umwezi uwafolo nu mwezi uwafayivi nu mwezi uwaseveni, po u mwezi uwa 10, gho ghubanje mwezi uwa ba Yuda uwalusekelo nukuhoboka. Polelo mubughanaye ubwanaloli sona nu mutende.”

1 Pitala 3:12

Pakuti amaso agha Mwene ghakwenelezya abantu abagholosu, sona amakutu ghache ghakuteghelezya inyiputo zyabo. Loli icheni icha Mwene chitakubalamila abantu ababibi.”