Masalimo 33:7 - IBAYIBOLO 2024

⁷ Akaghabungannya amizi agha munyanja nukughabika impaka, sona amizi amibizu akighalila munyumba izyakusungilamo ivintu.

Masalimo 33:7 Iomraidhean Croise

Yobu 26:10

U Chala akughabikila amizi impaka yiyo yili ngati bwele, nukulesannya ulukozyo ni chisi.

Masalimo 78:13

Akayigaba inyanja pakasi ukuti badumusannyepo. Akaghapela amizi ukuti ghimilile ngati lubumba.

Ukufuma 15:8

Nu muyi uwa mumpuno zyako, amizi ghakabungana poka. Amizi aghakwenda ghakimilila ngati lubumba, sona ghakakala nkani pasi panyanja.

Ivyili 8:29

Nkabapo bo akuyibikila impaka inyanja, umwakuti amizi ghatakadumusannye impaka yilayila, bo akwala ulwalo ulwa chisu ichapasi.

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Habakuku 3:15

Ukakanyankila panyanja ni falasi zyako, po amizi aghamaka nkani ghakavunduka.

Yoshwa 3:13

Bo abaputi babo banyamuye Ibokosi ilya Lufingo ilya Mwene lila, yuyo we Mwene uwa chisu chosi ichapasi, akanya bulo mumizi mula, amizi ghosi agha mu Yolodani ghakwiza pakuleka pakwenda, sona ghakwiza pakwima ngati lubumba.”

Yoshwa 3:16

amizi ghakaleka pakwenda nukwima ngati lubumba ulutali, ukwandila kukaya aka Adamu mupaka kukaya akakulu aka Zaletani, bo amizi aghakwika ku Nyanja Imfwe ghakalundinkana. Po abantu bakalobokagha ulusoko kupipi nakaya akakulu nkani aka Yeliko.