Masalimo 33:3 - IBAYIBOLO 2024

³ Mumwimbilaye ulwimbo ulupya, mumulizizyanje nu bwafundi amapango, sona mukulomokaye pachifukwa icha buhobosu.

Masalimo 33:3 Iomraidhean Croise

1 Imbili 13:8

U Devedi poka naba Izilayeli bosi bakasekelagha na maka ghabo ghosi pamaso pa Chala bo bakwimba inyimbo nukulizya ivinanda na mapango ni vivisekeseke nu malimba sona na mapati.

1 Imbili 15:22

U Kenaniya umulongozi uwa ba Levi akaba ni mbombo iyakwenelezya ubwimbi pachifukwa ichakuti akamanya nkani pakwimba.

1 Imbili 25:7

Abantu bosi banaba poka na bakamu babo bakamanya nkani pakumwimbila u Mwene, sona bakabapo 288.

2 Imbili 34:12

Abantu bala bakasubiliwa nkani pakubomba imbombo yila. Abakapitawa babo bakaba bo aba: U Yahati nu Obadiya, aba Levi abaluko ulwa Melali nu Zekaliya nu Meshulamu, abaluko ulwa Kohati, kokuti aba Levi bosi babo bakamanya nkani pakwimba.

Masalimo 144:9

Wee Chala, nkwiza pakukwimbila ulwimbo ulupya, sona nkwiza pakukulizizya ipango.

Masalimo 149:1

U Mwene apaliwanje. Mumwimbilaye u Mwene ulwimbo ulupya. Sona mumupalaye palukomano ulwa bantu bache abasubiliwa.

Masalimo 40:3

Mumulomo wane akabikamo ulwimbo ulupya, ulwimbo ulwakumupala u Chala witu. Abinji bakwiza pakuzyennya zinizi nukunyila, po bakwiza pakumusubila u Mwene.

Masalimo 40:4

Musayiwa umuntu yuyo amusubiye u Mwene wache, yuyo atakubadepukila abantu abakwituvya, kubabo bakupulumpila ku bachala abamyasi.

Masalimo 96:1

Mumwimbilaye u Mwene ulwimbo ulupya, mwee bantu bosi aba pachisu ichapasi, mwimbile u Mwene

Masalimo 98:1

Mumwimbilaye u Mwene ulwimbo ulupya, pakuti abomba ivintu ivyakuswighisya. Inyobe yache indilo, sona inyobe yache izelu, vyamupa ubupoti.

Yesaya 42:10

Mumwimbilaye u Mwene ulwimbo ulupya, amwe mwe mukufuma kubumalilo ubwa chisu mumupalaye, amwe mwe mukubuka pasi panyanja navyosi vivyo vilimumo, amwe mwe tusungo na mwebosi mwe mukwikala mumo mumwimbilaye.

Aba Efeso 5:19

Mwangalilanaye na mazyu agha masalimo, ni nyimbo izyakumupala u Chala, sona ni nyimbo izya buzimu. Po mumwimbilaye u Mwene inyimbo nukumupala mumoyo ghinyu.

Aba Kolosi 3:16

Amazyu agha Kilisitu ghikalaye mumoyo ghinyu umwakufikapo. Mumanyizannyanje nukusokana na mahala ghosi. Mumwimbilaye u Chala na mapalo mumoyo ghinyu, bo mukwimba inyimbo izya masalimo, ni nyimbo izya kumupala, sona ni nyimbo izya buzimu.

Ubuvumbuli 14:3

Abantu 144,000 bala bakimbagha ulwimbo ulupya pantazi pachitengo icha bumwene, na pantazi pa vipeliwa ivyabumi folo, sona na pamaso pa basongo. Atakabapo nayumo umuntu, yuyo akamanyilapo ulwimbo lula, loli abantu 144,000 bene, babo bakapokiwa pakasi pabantu aba muchisu ichapasi.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.