Masalimo 33:17 - IBAYIBOLO 2024

¹⁷ Ukuyisubila ifalasi pabwite kutangamwavwa umuntu napapo yingaba na maka amakulu nkani yitangamupoka.

Masalimo 33:17 Iomraidhean Croise

Masalimo 147:10

Amaka agha falasi ghatakumuhobosya atakughalonda nkani amaka agha bantu.

Masalimo 20:7

Abanji bazisubiye ingolo izya bwite, sona bamo bazisubiye ifalasi. Loli aswe tulisubiye itabwa ilya Mwene u Chala witu.

Masalimo 20:8

Abantu banaba bakwiza pakwipunula nukuwa pasi, loli aswe tukwiza pakunyamuka nukwimilila.

Ivyili 21:31

Ifalasi yikuyaniziwanga pisiku ilya bwite, loli ubupoti buli munyobe izya Mwene.

Umulumbilili 9:11

Nachennya sona ichintu chimo pachisu ichapasi ichakuti: Te muntu uwalwengo akupota pakuchimbila, pamo umuntu umujivu akupota pabwite. Pamo abantu abamahala bene bo babo bakuchagha ichakulya pamo abantu abamahala bene bo babo bakuba nu bukabi. Te bamanyi bene babo abantu bakubapelela ichisa, loli ulusako ni chighune vikubawila bosi banaba.

Yesaya 30:16

Mukanena mukati, ‘Awe, tukwiza pakuchimbila pafalasi.’ Polelo babo bakubachimbizya, bope bakwiza pakuchimbila umwalubilolubilo ukubachila!

Yesaya 31:1

Chighune ku bantu babo bakubuka kuchisu icha Ijiputi, pakulaba ubwavwilizi, babo beghamiye pafalasi, abantu babo bachisubiye ichilundilo icha bendezya ingolo, namumaka amakulu agha basilikali babo, loli batakumusubila u Muzelu uwa Izilayeli, pamo ukulonda ubwavwilizi ubwa Mwene.

Hoseya 14:3

U Asiliya atangatupoka, aswe tutakwiza pakukwelapo pafalasi izya bwite. Tutakwiza pakunenapo sona ukuti, ‘Abachala bitu’ babo twapanga ni nyobe zyitu, pakuti mumwako abalanda bakuchaghamo ichililizi.”

Ukukumbusya Amalamulo 20:1

Nanti mukubuka pakulwa ubwite na balwani binyu, nukwennya ukuti abalwani binyu bali ni falasi ni ngolo izya bwite inyinji, sona abasilikali babo binji nkani ukubachila, mutakabanyilaye. Pakuti u Mwene u Chala winyu, yuyo akabefyamo mu Ijiputi, akwiza pakuba namwe.

Abalongi 4:15

Bo u Balaki alemiwa poka na basilikali bache u Mwene akamuvulungannya u Sisela poka ni ngolo zyache zyosi izya bwite, sona na basilikali bache bosi. U Sisela akika mungolo yache yila nukuchimbila pasi.