Masalimo 33:12 - IBAYIBOLO 2024

¹² Lusayiwa uluko ulwa bantu pakuti u Mwene we Chala wabo, kokuti abantu babo akabasala pakuba mpyana yache.

Masalimo 33:12 Iomraidhean Croise

2 Samuweli 20:19

Aswe tukulonda umutende, sona twe bantu abasubiliwa muchisu icha Izilayeli. Awe ukuyezya pakukanangannya akaya akakulu nkani aka, kako we nyina mu Izilayeli. Nkimba choni chicho ukulonda pakuchizimizya ichilingo icha Mwene?”

Masalimo 135:4

Amusala u Yakobo pakuba wache nu wache, po amusala u Izilayeli pakuba bukabi bwache.

Masalimo 144:15

Basayiwa abantu babo bakupokela ulusayo lunulu. Basayiwa abantu babo u Mwene we Chala wabo.

Masalimo 28:9

Ubapokaye abantu bako nukuyisaya impyana yako. Ubanje we mudimi wabo, sona ubasungililaye bwila na bwila.

Masalimo 65:4

Basayiwa abantu babo ukabasala, nukubapalamizya papipi nawe ukuti bikalaye, mulubinjilo lwako ulwanongwa. Pakuti tukwiza pakwikuta ivintu ivyiza ivya munyumba yako, inyumba izelu.

Ukufuma 34:9

Po akati, “Wee Mwene nanti naloli wahoboka nane, nkukulaba ukuti ubuke naswe. Napapo abantu banaba amoyo ghabo makafu nkani, loli utuhobokele imbibi zyitu nukunanga kwitu kosi nukutupokela pakuba bantu bako na bako.”

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yelemiya 10:16

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Yohani 15:16

Mute mwemwe mukansala awe, loli nene nkabasala amwe. Po nkabasala nukubimika ukuti mubuke nukupa ivikomwa ivyinji, ivikomwa vivyo vikwiza pakubangako bwila. Sona Utata akwiza pakubapa chosi chicho mukulabila mwitabwa lyane.

Aba Efeso 1:4

Pakuti akatusala aswe mwa Kilisitu, bo ni chisu ichapasi chitapeliwe ukuti tubanje bantu abazelu, sona na basita chilema pantazi papache.

Ukukumbusya Amalamulo 32:9

Pakuti ubuzilo ubwa Mwene bo bantu bache akabasala abanyumba iya Yakobo pakuba mpyana yache.

Ukukumbusya Amalamulo 33:29

Mwee ba Izilayeli, mwe basayiwa nkani! Nkimba wewenu yuyo ayanite namwe, mwe bantu babo bapokiwe nu Mwene? U Mwene umwenecho we ngulu yinyu, sona wepanga winyu uwakupotela. Abalwani binyu bakwiza pakukupama, po amwe mukwiza pakubakanyankila pasi.”

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.