Masalimo 33:10 - IBAYIBOLO 2024

¹⁰ U Mwene akuzivulungannyanga imbatiko izya inko imbibi, sona akuzipelagha pakuba zyabulo inyinong'ono izya luko.

Masalimo 33:10 Iomraidhean Croise

Ubwandilo 11:8

U Mwene akabanyampanizizya muchisu chosi ichapasi, po bakaleka pakuzenga akaya kabo akakulu nkani kala.

2 Samuweli 15:31

U Devedi akabuziwa ukuti, “U Ahitofeli ali pakasi pabantu abakusambukila bala poka nu Abisalomu.” Po u Devedi akiputa akati, “Wee Mwene ughapele amahala agha Ahitofeli ukuti ghabe mapunganu.”

2 Samuweli 15:34

Loli nanti ukunyokela mukaya akakulu nkani nukumubuzya u Abisalomu ukuti, ‘Wee mwene, ane nkwiza pakuba ne wambombo wako. Kale ane nkaba ne wambombo uwa wise, loli ilelo nkwiza pakuba ne wambombo wako,’ ukwiza pakunyavwa pakumuvulungannya u Ahitofeli.

2 Samuweli 17:14

U Abisalomu poka naba Izilayeli bosi bakati, “Ifundo iya Hushayi umu Alikiti nyizapo ukuchila ifundo iya Ahitofeli.” Pakuti u Mwene akalondagha pakuyivulungannya ifundo inyiza iya Ahitofeli, umwakuti amuwisizye intamyo u Abisalomu.

2 Samuweli 17:23

Bo u Ahitofeli ennya ukuti abantu bakitinkana ni fundo yiyo akababuzya, akakwela impunda yache nukubwela. Akakayannya akiza bulo akaya kache nukwipinyilila. Po akafwa nukusyiliwa mwipumpa ilya wise.

2 Abamwene 6:9

Loli u Elisha akamutumila u mwene wamu Izilayeli amazyu aghakuti, “Uchebaye nkani, bo ukudumusannya pabuzilo bulabula pachifukwa ichakuti aba Siliya bakuvwama kulakula.”

Nehemiya 4:9

Loli tukiputa kwa Chala, po tukababika abantu ukuti balindililaye pamusanya na pabusiku umwakuti bamalane nabo.

Masalimo 140:8

Wee Mwene, utakabapanje abantu ababibi ivintu vivyo bakuvinyonywa. Utakitikizyanje ukuti vivyo bakubatika ukuti vikwanilisiwanje, lumo banganda pakwituvya.

Masalimo 21:11

Bakubatika pakukubombela imbibi, pamo nanti bakwivwana pakubomba ububibi, bakwiza pakupotwa.

Masalimo 9:15

Abantu aba inko izinji bawila muchiliba chicho bikumbiye bene, sona inyayo zyabo zilemiwe muchilepa chicho bakategha.

Ivyili 21:30

Ghataliko amahala, pamo ukwivwisya ivintu, pamo imbatiko, zizyo zingamuchila u Mwene.

Yesaya 19:3

Amaka ghakwiza pakubawila aba Ijiputi, nkwiza pakuzivulungannya inyinong'ono zyabo pakuba zyabulo, bakwiza pakubuzikizya kuvifwani na kumizimu iya bafwe, kubamayele sona na kubavipandwa.

Yesaya 44:23

Wee chisu icha kumwanya, imbagha nulusekelo, pakuti u Mwene abomba zinizi. Kolomoka nkani, wee chisu ichakusi, kolomoka mwe maghamba, imbagha mwe misitu, sona namakwi ghako ghosi, pakuti u Mwene amutabula u Yakobo, amulanjizya u Izilayeli ubuchindamu bwache.

Yesaya 44:25

nene nkavivulungannya ivimanyilo, ivya balaghuzi abamyasi, nukubapela bapunganu babo bakunena ivya muntazi, akubamala amaka abamahala, nukubapela pakuba bapunganu,

Yelemiya 19:7

“ ‘Pabuzilo bunubu nkwiza pakuvulungannya imbatiko zyosi izya bantu aba muchisu icha Yuda nicha Yelusalemu. Abalwani babo bakwiza pakubapota nukubaghoghela kubwite. Nkwiza pakuvipa iviyuni ni vinyamana imivimba yabo ukuti cho chibanje chakulya chabo.

Ezekiyeli 20:32

Mukuti, “Tukulonda pakuba ngati inko, ngati bantu aba muchisu chosi, babo bakwiputa amakwi na mabwe.” Loli zinizi zitakwiza pakubombiwa.

Malaki 1:4

Aba Edomu bakuti, “Napapo utwaya twitu utukulu twananganika, pope bulo tukwiza pakutuzenga sona.” Loli u Mwene Uwamaka Ghosi akuti, “Napapo bangatuzenga sona loli nkwiza pakutunangannya. Tukwiza pakwitiziwa ukuti ichisu ichibibi, tuto abantu bache u Mwene abakalaliye bwila na bwila.