Masalimo 32:8 - IBAYIBOLO 2024

⁸ Nkwiza pakukulanjizya nukukumanyisya izila izyakuti wendayemo, sona nkwiza pakukulongozya nukukwenelezya.

Masalimo 32:8 Iomraidhean Croise

Ubwandilo 24:48

Po nkafughama nukumwiputa u Mwene. Nkamupalizya u Mwene, u Chala uwa mwene wane u Abulahamu, yuyo akandongozya akiza nkani ku bakamu abamwene wane, kuko nkamusendela umulasagha u mwene wane.

2 Samuweli 22:33

Pakuti we Chala yuyo akumpa amaka, sona weyuyo akwefya ivizinka muzila yane.

1 Abamwene 8:36

po ivwa uko kumwanya kuko ukwikala nukubahobokela imbibi zyabo ababombi bako aba Izilayeli. Ubamanyisyanje inkalo inyiza, sona ubawisizye ivula muchisu chicho ukabapa abantu bako pakuba mpyana yabo.

Masalimo 143:8

Pandabindabi posi unkumbusyanje nizya lughano lwako, lulo lutakupotwapo nalumolumo, pakuti nkusubiye wewe. Undanjizyanje izila iyakuti nendayemo, pakuti nkwiputa kukwako.

Masalimo 25:12

Nkimba pali umuntu yumo uwakumunyila u Mwene? Po u Mwene akwiza pakumumanyisya izila izyakuti asale.

Masalimo 33:18

Loli amaso agha Mwene ghali pabantu babo bakumuchindika, kokuti abantu babo bamusubiye, pachifukwa icha lughano lwache, lulo lutakupotwangapo nalumolumo.

Masalimo 34:11

Mwee bana bane, zagha munteghelezyanje, po nkwiza pakubamanyisya pakumunyila u Mwene.

Ivyili 3:1

Wee mwana wane, utakaluvyanje ivimanyisyo vyane, loli ughasungaye amalamulo ghane mumoyo wako.

Yesaya 48:17

U Mwene Umutabuli, Umuzelu uwa Izilayeli akuti, “Ane ne Mwene u Chala winyu, yuyo akubamanyisya ukuti mwennye ubwiza, sona akubalongozya izila iya kwendamo.

Yesaya 49:10

Batakwiza pakuba nizala pamo ni nyota, pamo ichitukizu pamo izuba vikwiza pakubocha. Yuyo ali ni chililizi papabo akwiza pakubalongozya, nukubalongozezya ku mbwibwi izya mizi.

Ukubelengiwa 9:22

Napapo ibingu lila lingaba pa Chisakasa chila amasiku mabili pamo umwezi pamo umwaka aba Izilayeli bakendelelagha pakwikala muvisakasa vyabo, sona batakanyamukagha ubulendo bwabo. Loli nanti ibingu lila lyakwela bulo mumwanya, aba Izilayeli bakanyamukagha ubulendo bwabo.

Matayi 11:29

Nyamula ikoli lyane, manyila kukwane pakuti ane ne mololo nu wakwiyisya. Po mukwiza pakubwagha ubutuzyo.