Masalimo 32:5 - IBAYIBOLO 2024

⁵ Po nkwilata imbibi zyane kukwako, ntafisitepo ukunanga kwane pamaso papako. Nkati, “Nkwiza pakwilata ukunanga kwane kwa Mwene” po ukanhobokela imbibi zyane.

Masalimo 32:5 Iomraidhean Croise

2 Samuweli 12:13

Po u Devedi akamubuzya u Natani akati, “Namunangila u Mwene.” U Natani akamwamula akati, “U Mwene akuhobokela, sona utakwiza pakufwa.

2 Samuweli 12:9

Nkimba choni chicho waghasamula amazyu agha Mwene pakubomba ichintu ichibibi pamaso papache? Wamughogha nupanga u Uliya umu Hiti yula, nukumusenda umuchi wache pakuba muchi wako. Ukamughogha pakubombezya upanga uwa ba Amoni.

2 Samuweli 24:10

Bo u Devedi amala pakubabelenga abantu, akanda pakutamiwa nkani mumoyo wache, po akati, “Nananga nkani pazizyo nabomba. Losi ulu nkukulaba we Mwene wane ukuti unhobokele imbibi yane ne mubombi wako, pachifukwa ichakuti nabomba ichintu ichabupunganu nkani.”

2 Samuweli 24:17

Bo u Devedi amwennya uwantumi yuyo akabakoma abantu bala, akamubuzya u Mwene akati, “Nene nananga, sona nabomba imbibi. Nkimba abantu banaba babomba choni? Unfunde ane na bamunyumba yane.”

1 Abamwene 8:50

Ubahobokele abantu bako babo bakunangiye. Ubapelele ichisa nukuzimya ukusambuka kwabo kosi pamaso papako, umwakuti bope abantu babo bakabalema babapelele ichisa.

2 Imbili 6:29

po nanti abantu bako aba Izilayeli bakwiputa umwakulambilizya, sona nanti umuntu wesi azimanya intamyo zizyo zyamuwila nukukwezya inyobe zyache mumwanya pakwiputa mu Nyumba iyi,

Ezila 10:11

Losi ulu mwilate imbibi zyinyu pamaso pa Mwene, u Chala uwa banyenya binyu nukubomba ubwighane bwache. Mwipaghule mwebene ku bantu aba inko izinji babo babazyunguliye sona naku bachi binyu abayeni.”

Yobu 31:33

nanti nkazifisa imbibi zyane ngati mumo bakubombela abantu abanji, pakufisa ukunanga kwane mumoyo wane

Yobu 33:27

Po akwiza pamaso pabantu nukuti, “Ane nkananga pakubunyongannya ubugholosu, loli intakapokela chicho nkachilondagha.

Masalimo 103:12

Kubufumilo bwizuba kutali nkani na kubwinjililo bwizuba, umwakuyana bulo efizye imbibi zyitu kubutali nkani naswe.

Masalimo 103:3

U Mwene weyuyo akukuhobokela imbibi zyako zyosi, sona akubupozya ububine bwako bosi.

Masalimo 25:16

Ghalabukila kukwane nukumpelela ichisa, pakuti indi nemwene bulo sona nkuyimba nkani.

Masalimo 25:18

Zyennye intamyo na mayimba ghane, sona unhobokelaye imbibi zyane zyosi.

Masalimo 30:5

Pakuti ubukali bwache bukubangako pakabalilo akapimpa bulo, loli ichisa chache cha bwila na bwila. Umuntu angachelezya pakulila, loli ubuhobosu bukwizagha po pandabindabi.

Masalimo 38:18

Nkwilata ukunanga kwane, sona imbibi zyane zikuntamya nkani.

Masalimo 38:19

Abalwani bane binji sona bamaka, bope abakumbenga bo intanangite nachimochimo baba binji.

Masalimo 51:6

Loli umoyo uwanaloli gho ghugho ukughulonda, po umanyisyanje amahala mukasi mumwane.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Ivyili 28:13

Umuntu yuyo akufisa imbibi zyache ivintu vitakumwendelagha akiza, loli yuyo akwilata imbimbi zyache nukuzileka akupokela ichisa.

Ivyili 30:20

Umu momumo umukolo umalaya akubombela, nanti alya akupuputa pamulomo nukuti, “Ntanangitepo nachimochimo ichibibi.”

Yesaya 65:24

Bo bachili pakunyitizya nkwiza pakubamula, bo bachili pakunena ikwiza pakubivwa.

Yelemiya 2:23

“Nkimba unganena bulibuli ukuti, ‘Ntinyazizyepo, sona ntabiputitepo lumo aba Baala’? Ennya mumo ukabombela mwikombe, sona wennye nazizyo ukabomba. Wayana bulo ni ngamila inkolo yiyo yikuchimbilila uku na kula,

Yelemiya 2:35

mukunena mukuti, ‘Tute ninongwa nayimoyimo, ubukali bwache bwatozoka.’ Loli nkwiza pakubalonga pachifukwa mukuti, ‘Intanangite.’

Yelemiya 3:13

“ ‘Itika bulo ukunanga kwako, sona nukuti ukamusambukila u Mwene u Chala wako, ukabika ulughano lwako pa bachala abayeni pakwiputa mwikwi lyosi ilya kuvwinka, sona utakughivwila amalamulo ghane. Ane ne Mwene nanena.’ ”

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Aba Levi 5:5

Nanti umuntu apalaghula inongwa pavintu vivyo twavitambula, kokuti ilate ukunanga kwache.

Malaki 3:8

“Nkimba umuntu angamwibila u Chala? Loli pope bulo mukunyibila. “Mukulalusya mukuti, ‘Nkimba tukukwibila bulibuli?’ “Mukunyibila ichigaba choka pavigaba teni ni ivyakwiyipa.

Luka 16:15

U Yesu akanena nabo akati, “Mwighanite pakwinena mwebene ukuti mwe bagholosu pamaso pabantu, loli u Chala aghamenye amoyo ghinyu. Pakuti chicho abantu bakuti chapamwanya nkani, pamaso pa Chala chite ni mbombo nayimoyimo.

Luka 7:47

Polelo nkukubuzya ukuti ulughano ulukulu lulo alanjizya lukusimikizya ukuti imbibi zyache inyinji zyahobokeliwa. Loli umuntu wesi yuyo ahobokeliwa panandi, ulughano lwache lope lunandi.”

Aba Efeso 4:32

Loli mubanje mwe bachisa, sona na bololo na bantu abanji. Muhobokelanaye ukuyana namumo u Chala akabahobokela ukwendela mwa Kilisitu.

Yoshwa 7:19

Po u Yoshwa akamubuzya u Akani akati, “Wee mwana wane, umuchindike u Mwene u Chala uwa Izilayeli, sona umupale. Losi ulu umbuzye zizyo wabomba. Utakanvinde.”