Masalimo 32:11 - IBAYIBOLO 2024

¹¹ Mwee bantu abagholosu, muhobokaye mwa Mwene, sona mwimbaye mwebosi mwe muli na moyo amagholosu.

Masalimo 32:11 Iomraidhean Croise

Masalimo 125:4

Wee Mwene, ubabombelaye ubwiza, abantu babo bakubomba ubwiza, kokuti babo bali na moyo amagholosu.

Masalimo 32:2

Musayiwa umuntu yuyo u Mwene atakuzibelengela imbibi zyache, yuyo mumoyo wache ubuzimbuli butalimo.

Masalimo 33:1

Mwee bantu abagholosu, mumwimbilaye u Mwene nu buhobosu, pakuti abagholosu babaghiye bamupalizyanje.

Masalimo 5:11

Loli bosi babo bakuvwama mumwako bahobokaye, sona bimbaye bwila na bwila pachifukwa icha buhobosu. Ubavighililaye umwakuti abantu bosi babo bakughanite, bahobokaye mwitabwa lyako.

Masalimo 64:10

Abagholosu bahobokaye pachifukwa icha Mwene, sona bachimbililaye kukwache. Bosi babo bali na moyo amagholosu bamupalaye.

Masalimo 68:3

Loli abagholosu bahobokaye, sona basekelaye pantazi pa Chala, naloli basekelaye pachifukwa icha kuhoboka.

Masalimo 7:10

Ingulu yane we Chala, yuyo akubapoka babo bali na moyo amagholosu.

Masalimo 97:1

U Mwene weyuyo akulaghila, po ichisu ichapasi chihobokaye, bope abantu babo bakwikala mulubazu ulwanyanja bahokaye.

Masalimo 97:12

Mwebosi mwe bagholosu, muhobokaye mwa Mwene, sona mumupalizyanje pakulitambula itabwa lyache izelu.

Masalimo 98:4

Wee chisu ichapasi, kolomokagha pamaso pa Mwene, pachifukwa icha buhobosu, mumwimbilaye umwakuhoboka inyimbo izya mapalo.

Zekaliya 4:7

“Ghope na maghamaba amakulu nkani ghakwiza pakuba makombe pamaso pa Zelubabeli, akwiza nibwe ilya pankuto bo abantu bakukolomoka bakuti, ‘Mwee yikuboneka akiza! Mwee yikuboneka akiza!’ ”

Aba Loma 5:11

Loli ukuchilapo pazinizi, tukusekela pachifukwa icha zizyo u Chala abomba ukwendela mwa Mwene witu u Yesu Kilisitu, yuyo ilelo atusayannya aswe nu Chala.

Ukukumbusya Amalamulo 12:12

Kulakula amwe poka na bana binyu abalumendo na balindu na bambombo binyu abalumendo na balindu sona naba Levi babo bakwikala mutwaya twinyu, babo bate ni chigaba pamo impyana iyabo ni yabo musekelaye pamaso pa Mwene u Chala winyu.

Aba Filipi 3:1

Pabumalilo, bakamu bane, nkunena ukuti, “Muhobokaye mwa Mwene.” Chitakunditisya napo panandi pakupyanizya sona amazyu ghagho nasimba kale, pakuti chintu chimo chicho chingabavwa ukuti mutakilamwe.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Aba Filipi 4:4

Muhobokaye mwa Mwene utubalilo tosi. Nkupyanizya sona ukuti, “Muhobokaye!”

1 Samuweli 2:1

U Hana akiputa akati, “Umoyo wane ghuhobokite mwa Mwene ulupembe lwane lwaba na maka mwa Mwene. Umulomo wane ghukwituvya pa balwani bane, pakuti nhobokite pachifukwa ichakuti ukampoka!