Masalimo 32:10 - IBAYIBOLO 2024

¹⁰ Intamyo inkulu nkani zikubawilagha abantu ababibi, loli ulughano ulwa Mwene lulo lutakupotwangapo nalumolumo lukumusungilila akiza umuntu yuyo asubiye mumwache.

Masalimo 32:10 Iomraidhean Croise

Masalimo 11:6

Pabantu ababibi akwiza pakubawisizya amazimwa nu sulufule uwakwaka, po impepo iyakocha yikwiza pakuba gho muvwalo wabo.

Masalimo 140:11

Umuyebi atakikalanaye muchisu, sona intamyo zibawilaye abantu abalombwa.

Masalimo 146:5

Musayiwa umuntu yuyo umwavwilizi wache we Chala uwa Yakobo, yuyo amusubiye u Mwene u Chala wache,

Masalimo 147:11

U Mwene akuhoboka na bantu babo bakumuchindika, sona abantu babo balusubiye, ulughano lwache, lulo lutakupotwa nalumolumo.

Masalimo 16:4

Abantu babo bakusala pakubiputa abachala abanji bakwipalaghulila bene intamyo. Ntakwiza pakusendapo ichigaba pa vyakwiyipa vyabo, pamo ukughatambula amatabwa agha bachala babo.

Masalimo 2:12

Mumuchindikaye lumo angabakalalila nukubanangannya, pakuti ubukali bwache bukwaka lubilolubilo. Basayiwa bosi babo bakuchimbilila kukwache.

Masalimo 34:8

Mumuyezyanje, po mukwiza pakumanya ukuti u Mwene mwiza. Musayiwa umuntu yuyo akuchimbilila kukwache.

Masalimo 40:4

Musayiwa umuntu yuyo amusubiye u Mwene wache, yuyo atakubadepukila abantu abakwituvya, kubabo bakupulumpila ku bachala abamyasi.

Masalimo 5:12

Wee Mwene, naloli ukubasaya abagholosu, sona ukubavighilila ni ngulu yako.

Masalimo 84:12

Wee Mwene Uwamaka Ghosi, basayiwa abantu babo bakukusubila.

Ivyili 13:21

Ichibibi chikumukonkagha umwenecho, loli umuntu umugholosu ivintu vyache vikumwendelagha akiza.

Ivyili 16:20

Umuntu yuyo akwivwila vivyo abanji bakumubuzya, ivintu vikumwendelagha akiza. Musayiwa umuntu yuyo akumusubila u Mwene.

Umulumbilili 8:12

Napapo umuntu umubibi anange nkani nukuba nubumi, pope bulo inzimenye ukuti umuntu yuyo akumuchindika u Chala ivintu vikwiza pakumwendelagha akiza.

Yesaya 3:11

Chighune ku bantu ababomba imbibi, ukunangika kukwiza pakubawila, pakuti chicho inyobe zyabo zikubomba, cho chicho chikwiza pakubawila.

Yesaya 57:21

U Chala akuti, “Umutende naghumo pabantu ababibi.”

1 Timoti 6:10

Pakuti ukuzighana indalama yo mpenya iya mbibi izya kulekanalekana. Pachifukwa icha kuzighana indalama, abantu bamo baluleghuka ulwitiko lwabo, nukwivulazya mumoyo ghabo ni vyakubaba ivikulu nkani.