Masalimo 31:7 - IBAYIBOLO 2024

⁷ Nkwiza pakuhoboka nukusekela pachifukwa icha lughano lwako lulo lutakupotwa nalumolumo. Pakuti ukaghennya amayimba ghane sona ukakumanya ukutamiwa ukwa moyo wane.

Masalimo 31:7 Iomraidhean Croise

Nehemiya 9:32

“Polelo wee Chala witu, we wamaka nkani sona nu wakoghofya, wewe ukusunga ulufingo lwako ulwa lughano, utakitikizyanje ukuti amayimba ghitu ghanagha ghabonekaye mapepe kukwako. Amayimba ghatuwila aswe na bamwene bitu na balongozi bitu na baputi bitu na balaghuzi bitu na banyenya bitu sona na bantu bako bosi ukwandila pakabalilo aka bamwene aba mu Asiliya mupaka nilelo bulo.

Yobu 10:9

Kumbuka ukuti ukamata ni tope. Nkimba ilelo ukulonda pakunyosezya sona kulufumbi?

Yobu 23:10

Loli u Chala akamenye akendele kane kosi; nanti anjela, nkwiza pakuswepagha.

Masalimo 1:6

Pakuti u Mwene akuyennya inkalo iya bantu abagholosu, loli abantu ababibi bakwiza pakuzimila.

Masalimo 10:14

Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 119:153

Ennya amayimba ghane, sona umpoke, pachifukwa ichakuti intaluluvizye ululaghilo lwako.

Masalimo 13:5

Loli nkulusubila ulughano lwako lulo lutakumalapo nalumo, umoyo wane ghukusekela pachifukwa icha bupoki bwako.

Masalimo 142:3

Nanti umuzimu wane wadedebala, awe akwiza pakumanya zizyo imbaghiye pakubomba. Po muzila zizyo nkwendamo, abantu bateghitemo ivipingo.

Masalimo 25:18

Zyennye intamyo na mayimba ghane, sona unhobokelaye imbibi zyane zyosi.

Masalimo 71:20

Napapo wantumila intamyo sona ni vyakubaba, loli ukwiza pakumpa sona amaka. Po ukwiza pakunyefyamo muchiliba ichibizu nkani.

Masalimo 9:13

Wee Mwene, ennya namumo abalwani bane bakunvwimila, umpelelaye ichisa nukumpoka kubufwe.

Masalimo 90:14

Utwikutizyanje pandabindabi nu lughano lwako ulusita kumala, umwakuti tusekelaye nukuhoboka amasiku ghitu ghosi.

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

Yesaya 49:13

Wee chisu icha kumwanya, sekelagha wee chisu ichapasi wimbaye inyimbo. Wee maghamba wimbaye! Pakuti u Mwene akubasangalusya abantu bache nukuba ni chililizi na babo bakuyimba.

Yesaya 63:16

Loli awe we Tata witu, napapo u Abulahamu atakatumanya, pamo aba Izilayeli pakutwitika, Wee Mwene we Tata witu, we mutabuli witu ukwanda bulo kale lyo litabwa lyako.

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Nkuto 3:50

mupaka papo u Mwene ennya pachisu ichapasi ukufuma kumwanya.

Nkuto 5:1

Wee Mwene kumbuka zizyo zyatuwila, sona ennya namumo bakutukozezya isoni.

1 Aba Kolinti 8:3

Loli umuntu yuyo amughanite u Chala, amanyikitwe nu Chala.

Aba Galatiya 4:9

Loli pakuti ilelo mumumenye u Chala pamo ukumanyikwa nu Chala, po bulibuli ukuti munyokele kunyiho izya chisu ichapasi zizyo zite ni mbombo, sona zizyo zite namaka? Nkimba mukulonda mubanje sona mwe bazya aba vintu vinivi?

2 Timoti 2:19

Loli pope bulo ulwalo ulukafu, lulo u Chala azenga lutanganeng'ena napo panandi, sona papo pasimbiwe amazyu agha, “U Mwene abamenye abantu babo bache,” sona, “Umuntu wesi yuyo akwitika nu mulomo wache ukuti wa Mwene, apindukaye nukuzileka imbibi zyache.”