Masalimo 30:5 - IBAYIBOLO 2024

⁵ Pakuti ubukali bwache bukubangako pakabalilo akapimpa bulo, loli ichisa chache cha bwila na bwila. Umuntu angachelezya pakulila, loli ubuhobosu bukwizagha po pandabindabi.

Masalimo 30:5 Iomraidhean Croise

Ubwandilo 32:24

U Yakobo akasyala mwene palapala. Umuntu yumo akiza nukutoba nawe busiku bosi mupaka kubuche.

Masalimo 103:17

Ukufuma kubwandilo mupaka kubumalilo ulughano ulwa Mwene lwa bwila na bwila ku bantu babo bakumuchindika, ubugholosu bwache ubwa banyenya babo.

Masalimo 103:9

Atakwiza pakutuchemela akabalilo kosi, sona ubukali bwache butakwiza pakubangako bwila na bwila.

Masalimo 143:8

Pandabindabi posi unkumbusyanje nizya lughano lwako, lulo lutakupotwapo nalumolumo, pakuti nkusubiye wewe. Undanjizyanje izila iyakuti nendayemo, pakuti nkwiputa kukwako.

Masalimo 145:10

Wee Mwene, ivya bumi vyosi vikwiza pakukupala bope abantu bako abazelu bakwiza pakukuchindika.

Masalimo 16:11

Wandanjizya izila iyakubukila kubumi, sona ukwiza pakunyizuzya nu buhobosu Sona nkwiza pakuhoboka bwila na bwila kunyobe yako indilo.

Masalimo 46:5

U Chala ali mukaya akakulu nkani kalakala, po katakwiza pakunanganika, po u Chala akwiza pakukavwa bo izuba likufuma.

Masalimo 47:7

Pakuti u Chala we Mwene uwa chisu chosi ichapasi, mumwimbilaye ulwimbo ulwamapalo.

Masalimo 59:16

Loli nkwiza pakwimba nizyamaka ghako, sona pandabindabi nkwiza pakwimba nizya lughano lwako. Pakuti awe we lilinga lyane, sona buzilo bwane ubwakuvwamamo pakabalilo akantamyo.

Masalimo 63:3

Nkwiza pakukuchindika, pakuti ulughano lwako lwizapo ukuchila ubumi.

Masalimo 97:12

Mwebosi mwe bagholosu, muhobokaye mwa Mwene, sona mumupalizyanje pakulitambula itabwa lyache izelu.

Ukufuma 3:15

U Chala akamubuzya sona u Mozesi akati, “Ubabuzye aba Izilayeli uti, ‘U Mwene, u Chala uwa banyenya binyu nu Chala uwa Abulahamu nu Chala uwa Yisaki sona nu Chala uwa Yakobo antuma pakasi papinyu.’ Ili lyo litabwa lyane bwila na bwila, sona inkulilo zyosi izya muntazi zikwiza pakulikumbukagha.

Yesaya 12:1

Pisiku lilalila mukwiza pakwimba ukuti, “We Mwene! Nkukupalizya pakuti ukankalalila, ilelo ubukali bwako bwatozoka sona wansangalusya.

Yesaya 26:20

Mwe bantu bane, bukagha mwinjile ivipinda vyinyu nukwighalila inyiyi kwisinda kwinyu, po muvwame akabalilo akanandi bulo, mupaka ubukali bwache bumale.

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Matayi 5:4

Basayiwa babo bakulila akabalilo aka, pakuti u Chala akwiza pakubapumizya;

2 Aba Kolinti 4:17

Pakuti amayimba ghitu manandi, sona ghakabalilo akanandi, ghali pakutuyanizizya aswe ubuchindamu ubukulu ubwakuchilapo, sona nubwa bwila na bwila.

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.