Masalimo 30:11 - IBAYIBOLO 2024

¹¹ Ukandula ichililo chane pakuba kujina. Ukanvula amenda agha pachitima, po ukanvwika amenda agha palusekelo.

Masalimo 30:11 Iomraidhean Croise

Ubwandilo 37:35

Abana bache bosi abanavuli na bakolo bakiza pakumupumizya. Loli akakana pakupumiziwa, nukuti, “Awe, nkwiza pakulila mupaka kwipumpa kuko ali.” Po uwise akendelela pakumulila umwana wache u Yosefu.

Ubwandilo 45:28

U Yakobo akati, “Umwana wane u Yosefu achili mumi! Nkwiza pakubuka ukuti imwennye, bo inchili intafuye.”

2 Samuweli 6:14

U Devedi akimbagha pamaso pa Mwene na maka ghache ghosi, bo avwalite u efodi umutonte.

2 Imbili 20:12

Wee Chala witu, nkimba utakwiza pakubalonga abantu banaba? Pakuti aswe tute na maka naghamoghamo aghakulwila na basilikali abinji banaba babo bakulonda pakulwa naswe ubwite. Tutakumanya ichakubomba, loli tukwennya kukwako.”

2 Imbili 20:3

Po u Yehoshafati akanyila nkani, umwakuti akadumula nizya kubuka pakubuzikizya kwa Mwene sona akabalamula abantu bosi aba mu Yuda ukuti batuzye pakulya.

2 Imbili 20:9

‘Nanti intamyo zyatuwila pamo ubwite pamo ichiwaya pamo izala inkulu, tukwiza pakwima pamaso papako pantazi pa Nyumba yiyo yikwitiziwa ni tabwa lyako sona tukwiza pakukulilila bo tuli muntamyo zitu zyosi, po awe ukwiza pakutwivwa nukutupoka.’

Nehemiya 8:10

U Nehemiya akati, “Bukagha pakusekela kunyumba zyinyu. Mugabanaye na bantu babo bate ni chakulya pamo uvinyo uwakukwana. Isiku ili lipaghuliwa kwa Mwene. Po mutakabanje ni chitima, pakuti Mwene weyuyo akubapa amaka aghakuti muhobokaye.”

Esitele 9:22

pachifukwa ichakuti kakaba kabalilo kanaka kako aba Yuda bakapona munyobe izya balwani babo sona pakuba mwezi ghugho ichitima chabo chikanduka pakuba ukusekela sona ukulila kwabo kukanduka pakuba ukuhoboka. Akabasimbila ukuti bakumbukaye amasiku ghanagha pakuba masiku agha lusekelo sona nukugabana ivyakulya nukubapa abapina ivyabupi.

Masalimo 149:3

Balipalaye itabwa lyache bo bakujina, sona bimbaye inyimbo pakulilizizya ivisekeseke, ni vinanda.

Masalimo 150:4

Mumupalaye pakulizya ivisekeseke nukumujinila, mumupalaye pakulizya utubombelo utwa mpote na malongi.

Masalimo 27:7

Wee Mwene unyivwanje bo nkukwitizya, umpelelaye ichisa nukunyamula.

Masalimo 30:5

Pakuti ubukali bwache bukubangako pakabalilo akapimpa bulo, loli ichisa chache cha bwila na bwila. Umuntu angachelezya pakulila, loli ubuhobosu bukwizagha po pandabindabi.

Masalimo 4:7

Wizuzya umoyo wane nu buhobosu ubukulu nkani, ukubachila abantu babo bali ni ngano inyinji sona nu vinyo umupya umwinji nkani.

Umulumbilili 3:4

Pali akabalilo akakulilila, na kabalilo akakusekela. Pali akabalilo aka chitima, na kabalilo akakwimbila.

Yesaya 25:3

Polelo inko izya bantu abamaka zikwiza pakukuchindika, inko zizyo zite ni nkalo zikwiza pakukunyila.

Yesaya 25:8

Akwiza pakuyimila imfwa bwila na bwila. U Mwene Uwamaka Ghosi akwiza pakubasyumula amasozi, nukubefya isoni abantu bache pachisu chosi ichapasi. U Mwene anena.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yesaya 61:3

nukubapa babo bakulila mu Ziyoni, ukubapa impumpu iya kabonekele akiza mubuzilo ubwa itoyi, amafuta aghalusekelo, mubuzilo ubwa kulila, numwenda uwa mapalo, mubuzilo ubwa muzimu uwa vitima. Bakwiza pakwitiziwa umupandapanda uwa bugholosu, ichibyalwa icha Mwene ukuti achindikiwanje.

Yelemiya 31:4

Nkwiza pakukuzenga sona, wee Izilayeli, umughaniwa wane, ukwiza pakuzengiwa sona. Po mukwiza pakusenda ivisekeseke, nukubuka pakujina umwabuhobosu.

Yelemiya 52:33

Po u Yehoyakini akavula amenda ghache agha mujele, sona mubumi bwache bosi, isiku ni siku akalyanga poka nu mwene.

Luka 15:22

Loli uwise akabitizya abambombo nukubabuzya ukuti, ‘Lubilolubilo, kasende inkazo inyiza nkani nukumuvwika. Mumuvwike impete mu kafingwi, sona mumuvwike inkwato kunyayo zyache.

Yohani 16:20

Naloli nkubabuzya ukuti mukwiza pakulila nukufwifwitila, loli abantu aba muchisu ichapasi bakwiza pakuhoboka nkani. Amwe mukwiza pakuba ni chitima, loli ichitima chinyu chikwiza pakuba buhobosu.

Ubuvumbuli 21:4

Akwiza pakusyumula amasozi ghosi mumaso ghabo. Ubufwe butakwiza pakubako nalumo, sona kutakwiza pakubako ivitima pamo ukulila pamo ububavu. Ivintu ivyakale vyazyebeluka.”