Masalimo 30:1 - IBAYIBOLO 2024

¹ Wee Mwene, nkwiza pakukukwezya pakuti ukampoka, sona utakabitikizya abalwani bane ukuti banyobezyanje.

Masalimo 30:1 Iomraidhean Croise

2 Samuweli 20:3

Bo u Devedi afika kunyumba yache mu Yelusalemu, akabasenda abachi bache abazya 10, babo akabaleka ukuti basungililaye akaya kache. Akabighalila munyumba nukubabika abalindilili. Akabapa ivyakulya, loli u Devedi atakaghona nabo. Akabighalila mupaka pisiku lilyo bakafwila, sona bakaba ngati po bakolo abafwilwe.

2 Samuweli 24:25

U Devedi akamuzengela u Mwene ichighemo palapala nukubika ivyakwiyipa ivyakocha, nivyakwiyipa ivyabupoka. Po u Mwene akivwa ulwiputo lulo akachiputilagha ichisu, po ichiwaya chila chikamala mu Izilayeli.

2 Samuweli 5:11

U mwene u Hilamu uwamu Tile akamutumila intumi u Devedi, poka na makwi agha mwale, na bapalamatabwa, sona na bazengi abanyumba pakubombezya amabwe pakumuzengela inyumba iya bumwene u Devedi.

2 Samuweli 6:20

Bo u Devedi abwela kunyumba pakubasaya abamunyumba yache, u Mikali umwana uwa Sabuli, akafuma kuzi pakukomana nawe, po akati, “Ilelo u mwene uwa Izilayeli isamula mwene pakwivula pamaso pa bazya bache abalindu, umwakusita isoni nazimozimo ngati we chipena.”

2 Samuweli 7:2

Po akamubuzya umulaghuzi u Natani akati, “Ane nkwikala munyumba iya bumwene, yiyo yizengiwe na makwi agha mwale, loli Ibokosi ilya Lufingo ilya Chala lili muchisakasa.”

1 Abamwene 8:63

U Solomoni akabika kwa Mwene ing'ombe 22,000, ni ng'ozi 120,000 ukuti chibanje chakwiyipa ichabupoka. Po u mwene yula, poka naba Izilayeli bosi bakayipaghula Inyumba iya Mwene.

1 Imbili 21:6

Loli u Yowabu atakababelengelako aba Levi naba Benjamini, pakuti zizyo u mwene akalamula zitakamuhobosya.

Masalimo 13:4

Po abalwani bane bakwiza ukunena ukuti, “Twamupota,” sona abakumbenga bakwiza pakunsekela nanti nawa.

Masalimo 140:8

Wee Mwene, utakabapanje abantu ababibi ivintu vivyo bakuvinyonywa. Utakitikizyanje ukuti vivyo bakubatika ukuti vikwanilisiwanje, lumo banganda pakwituvya.

Masalimo 145:1

Wee Chala wane sona Mwene wane, nkwiza pakukupalagha. Nkwiza pakulipala itabwa lyako bwila na bwila.

Masalimo 25:2

Wee Chala wane nkusubiye wewe. Utakitikizyanje ukuti nkoziwanje isoni, pamo ukubitikizya abalwani bane ukuti bampotaye.

Masalimo 27:6

Po nkwiza pakubapota abalwani bane babo banzyunguliye, sona nkwiza pakubika ichakwiyipa muchisakasa chache nukukolomoka. Nkwiza pakwimba inyimbo izyakumupalizikizya u Mwene.

Masalimo 28:9

Ubapokaye abantu bako nukuyisaya impyana yako. Ubanje we mudimi wabo, sona ubasungililaye bwila na bwila.

Masalimo 35:19

Batakasekelelaye papane pamo abantu babo bambengite, batakanyennyanje ni lyiso ichesamu.

Masalimo 41:11

Inzimenye ukuti uhobokite nane, pakuti umulwani wane atakumpota.

Masalimo 66:17

Nkamulilila u Chala nu mumlomo wane, sona nkamupala nululimi lwane.

Masalimo 79:10

Nkimba choni chicho abantu aba inko izinji balalusyanje ukuti, “Nkimba u Chala wabo ali ko kwiyi?” Bo tukwennya na maso ghitu ubafundaye abantu aba inko izinji, pachifukwa icha kubaghogha ababombi bako.

Masalimo 79:4

Twaba twe chintu ichakusekesya pakasi pa bapalamani bitu, sona abantu babo batuzyunguliye bakutuseka nukutobezya.

Nkuto 2:15

Bosi babo bakudumusannya bakukuseka. Bakumobezya nukupukunnya imitu yabo pachifukwa icha zizyo zyamuwila u Yelusalemu. Bakuti, “Nkimba aka ko kaya akakulu nkani kako kakitiziwanga ukuti ko kasayiwa, kako kakabahobosyanga abantu pachisu chosi icha ichapasi?”

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Ukukumbusya Amalamulo 20:5

Po abasongo bala babalalusye abasilikali ukuti, “Nkimba alipo yumo pano yuyo azenga bulo inyumba, loli atayipaghuliye kwa Chala? Nanti alipo abwelaye, lumo angaghoghiwa kubwite, po umuntu uyunji bulo akwiza pakuyipaghula inyumba yache.