Masalimo 3:8 - IBAYIBOLO 2024

⁸ Ubupoki bukufuma kwa Mwene, sona ulusayo lwako lubanje pabantu bako.

Masalimo 3:8 Iomraidhean Croise

2 Samuweli 23:12

Loli u Shama akima pakasikasi pa mughunda. Akaghuzighilila nukubaghogha aba Filisiti, pachifukwa ichakuti u Mwene akamupa ubupoti ubukulu nkani.

Masalimo 119:94

Mpoka, ane ne wako, Pakuti naghakonka amalamulo ghako.

Masalimo 29:11

U Mwene akubapa amaka abantu bache, u Mwene akubasaya abantu bache nu mutende.

Masalimo 31:16

Icheni chako chindamilaye ne mubombi wako, sona umpokaye ni chisa chako chicho chitakupotwangapo nalumolumo.

Masalimo 58:7

Baleke bazimile bulo ngati mizi ghagho ghakwenda, leka utulasilo twabo tufokaye munyobe zyabo ngati lisote.

Masalimo 72:17

Itabwa lyache libanjeko bwila na bwila, sona libanjeko ngati mumo izuba likubelaghako. Abantu aba inko zyosi bakwiza pakusayiwa ukwendela mumwache, sona bakwiza pakumwitizya ukuti musayiwa.

Masalimo 9:20

Wee Mwene ubapelelaye ubogha, sona inko izinji zimanye ukuti bantu bulo.

Ivyili 21:31

Ifalasi yikuyaniziwanga pisiku ilya bwite, loli ubupoti buli munyobe izya Mwene.

Yesaya 43:11

Ane, ne mwene ne Mwene atalipo sona uyunji yuyo angabapoka.

Yelemiya 3:23

Naloli, ichongo ichakwiputa ivifwani patughamba na pamaghamba chabuzimbuli, Naloli ubupoki bwitu buli mwa Mwene u Chala uwa Izilayeli.

Hoseya 13:4

Loli ane ne Mwene u Chala winyu, yuyo akabefya muchisu icha Ijiputi. Mutakabamanye aba Chala abanji loli ane ne mwene, sona ataliko Umupoki uyunji loli ane ne mwene.

Yona 2:9

Loli ane nkwiza pakukwimbila inyimbo izya mapalo, nkwiza pakubika ichakwiyipa kukwako, sona nkwiza pakuvibomba ivintu vivyo nkafingana nawe. Pakuti ubupoki bwane bukufuma kwa Mwene.”

Ukubelengiwa 10:35

Akabalilo kosi kako Ibokosi ilya Lufingo likanyamukagha, u Mozesi akatinji, “Wee Mwene, nyamuka, nukubanyampannya abalwani bako! Abantu bosi babo bakubengite bachimbilaye pamaso papako.”

Imbombo 3:26

Po u Chala akasala umubombi wache nukumutuma tasi kukwinyu, pakubasaya amwe ukuti umuntu wesi apinduke kuzila zyache izya bubibi.”

Imbombo 4:12

Mumwache mwene momumo muli ubupoki pakuti pachisu chosi ichapasi nayumo umuntu yuyo u Chala atupiye ukuti angatupoka.”

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.

Aba Hebeli 6:14

Akati, “Naloliloli nkwiza pakukusaya nukubalizya abaluko lwako.”

1 Pitala 3:9

Mutakatanizannyanje ububibi pabubibi, pamo intuko pantuko, awe. Loli mutanizannyanje nu lusayo, pakuti u Chala akabitizya ukuti mupokele ulusayo lunulu.

Ubuvumbuli 19:1

Pisinda pazinizi nkivwa ukubuluma ngati chilundilo icha bantu kumwanya kukuti, “U Chala apaliwanje! Ubupoki nu buchindamu na maka vya Chala witu!

Ubuvumbuli 7:10

Bakakolomoka nkani bakati, “Ubupoki bukufuma kwa Chala witu, yuyo akwikala pachitengo icha bumwene, na ku Mwana uwa ng'ozi!”