Masalimo 3:4 - IBAYIBOLO 2024

⁴ Nkumwitizya u Mwene umwakukolomoka, po akunyamula bo ali pighamba lyache izelu.

Masalimo 3:4 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Masalimo 119:114

Awe we buzilo bwane ubwakuvwamilamo, sona we ngulu yane, indisubiye izyu lyako.

Masalimo 138:3

Bo nakwitizya, ukanyamula, sona ukaghukazya umoyo wane na maka ghako.

Masalimo 18:3

Nkumwitizya u Mwene pakuti amapalo ghamubaghiliye, po akumpoka munyobe izya balwani bane.

Masalimo 2:6

Akutinji, “Namwimika u mwene wane mu Ziyoni, lilyo lighamba lyane izelu.”

Masalimo 27:6

Po nkwiza pakubapota abalwani bane babo banzyunguliye, sona nkwiza pakubika ichakwiyipa muchisakasa chache nukukolomoka. Nkwiza pakwimba inyimbo izyakumupalizikizya u Mwene.

Masalimo 28:7

U Mwene we maka ghane sona we ngulu yane, po umoyo wane ghumusubiye sona anyavwa. Umoyo wane ghukunyelanyela pachifukwa icha buhobosu, sona nkwiza pakumupala ni nyimbo.

Masalimo 34:4

Nkiputa kwa Mwene, po akanyamula, akampoka ku vyosi vivyo nkavinyilagha.

Masalimo 34:6

Umuntu umupina uyu akalila, po u Mwene akamwivwa, sona akamupoka muntamyo zyache zyosi.

Masalimo 43:3

Tumagha ulukozyo lwako nu bwanaloli bwako, umwakuti vindongozyanje. Vileke vinfisye pighamba lyako izelu, bubo buzilo bwako ubwakwikalako.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 62:8

Mwebaya mumusubilaye akabalilo kosi, mumubuzyanje intamyo zyinyu zyosi, pakuti u Chala we buzilo bwitu ubwakuvwamilamo.

Masalimo 84:12

Wee Mwene Uwamaka Ghosi, basayiwa abantu babo bakukusubila.

Masalimo 89:19

Akabalilo kamo ukababuzya abasubiliwa bako muchisetuka ukuti, “Nayibika impumpu yane pa muntu uwamaka nkani, namukwezya umuntu umunandi nkani pakasi pa Izilayeli.

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Masalimo 99:9

Mumukwezyanje u Mwene u Chala witu, sona mumwiputaye pighamba lyache izelu, pakuti u Mwene u Chala witu muzelu.

Ivyili 2:7

Akubasungila ubupoti abagholosu munyumba yache, we ngulu iya bantu babo bate ni chilema nachimochimo.

Yesaya 65:24

Bo bachili pakunyitizya nkwiza pakubamula, bo bachili pakunena ikwiza pakubivwa.

Nkuto 3:56

Ukivwa ukulambilizya kwane bo nkuti, ‘Utakampanje inkonto, bo nkulaba ukuti unyavwe.’

Matayi 7:7

“Mulabaye, po mukwiza pakupokela. Mulondaye, po mukwiza pakuvyagha, sona mukong'osyanje, po ulwiyi lukwiza pakubighukila.

Yakobo 5:13

Nkimba alipo umuntu yumo mumwinyu yuyo ali mumayimba? Iputaye. Fwandi, alipo yumo yuyo ahobokite? Imbaye inyimbo izyakumupala u Chala.