2 Abinji bakutinji, “U Chala atangamupoka.”
nanti u Mwene atakaba kulubazu lwitu, bo abalwani bitu batusambukiye
Bosi babo bakunyennya bakunyobezya, sona bakusumba intuko papane nukupukunnya imitu yabo.
Nkumwitizya u Mwene umwakukolomoka, po akunyamula bo ali pighamba lyache izelu.
Ubupoki bukufuma kwa Mwene, sona ulusayo lwako lubanje pabantu bako.
Mwee bantu, nkimba mukwiza pakunkozya isoni mupaka liyi? Nkimba choni chicho muvighanite vivyo vite ni mbombo, nukubabombela abachala abamyasi?
Mumunyilaye u Chala, sona mutakanangaye. Bo mulambalaye muvitala vyinyu, mwinong'onaye akiza, sona mubanje bulo myee.
Intuko izya balwani bane zikunjivya ngati yo nkonko, bo abakumbenga bakunyobezya pakundalusya isiku lyosi ukuti, “Nkimba u Chala wako ali ko kwiyi?”
Nkulila pamusanya na pabusiku bulo, sona amasozi gho chakulya chane. Akabalilo kosi abalwani bane bakundalusya bakuti, “Nkimba u Chala wako ali ko kwiyi?”
Bakuti, “U Chala amulekite mwene. Po zagha tumuchimbizye nukumulema, pakuti atalipo nayumoyumo umuntu uwakumupoka.”
Ukiza pakubapoka abantu bako, pakubapoka abapakiwa bako. Ukamukoma umulongozi uwa chisu icha bantu ababibi bala, nukumuleka bwazi ukwanda kumutu mupaka kunyayo.
U Chala akiza ukufuma ku Temani, Umuzelu yula akiza ukufuma kwighamba ilya Palani. Ubuchindamu bwache bukakupikila kumwanya, sona amapalo ghache ghakizula pachisu ichapasi.
Ukawesa ubwele bwako, sona ukafumya utulasilo twako utwinji muchakusungilamo chache. Ukachigaba ichisu ichapasi na mizi.
