Masalimo 29:8 - IBAYIBOLO 2024

⁸ Izyu ilya Mwene likuyineng'ennya inkolongo, u Mwene akuyineng'ennya inkolongo iya Kadeshi.

Masalimo 29:8 Iomraidhean Croise

Yobu 9:6

Akuchineng'ennya ichisu ichapasi na kasenyenta, po impanda zyache zikuneng'ena.

Masalimo 18:7

Ichisu ichapasi chikatetemagha nukukayingana, sona ulwalo ulwamaghamba lukayinganagha, pachifukwa ichakuti akakalala.

Masalimo 46:3

Napapo amizi ghangapoma nukuba ni tatafula, amaghamba ghakutetema pachifukwa ichakupoma ukwa mizi.

Yesaya 13:13

Polelo nkwiza pakukuneng'ennya kumwanya; sona ichisu ichapasi chikwiza pakwepa pabuzilo bwache, zinizi zikwiza pakubombiwa, pachifukwa icha bukali ubwa Mwene Uwamaka Ghosi, pisiku ilya kwaka ukwa kukalala kwache.

Yoweli 3:16

U Mwene akwiza pakubuluma mu Ziyoni, sona akwiza pakupaya mu Yelusalemu. Kumwanya ni chisu ichapasi vikwiza pakuyingana. Loli u Mwene akwiza pakuba chakuponelamo abantu bache, sona akwiza pakuba lilinga ilya ba Izilayeli.

Hagayi 2:21

“Mubuzye u Zelubabeli umulaghili uwa chisu icha Yuda ukuti, ‘Nkwiza pakuyingannya ku kumwanya ni chisu ichapasi.

Hagayi 2:6

“Pakuti u Mwene Uwamaka Ghosi akuti, ‘Kwasyala akabalilo kanandi bulo akakuti nkwiza pakuyingannya kumwanya, ni nyanja sona ni chisu ichapasi ichumizu.

Ukubelengiwa 13:26

Po bakanyokela kwa Mozesi nu Aloni na ku chilundilo chosi mu Kadeshi munkolongo iya Palani pakubalanjizya ivikomwa ivya muchisu chila.

Aba Hebeli 12:26

Pakabalilo kalakala izyu likachineng'ennya ichisu ichapasi, loli ilelo alayizya ukuti, “Ntakwiza pakuchineng'ennya chene ichisu ichapasi, loli na kumwanya bulo.”