Masalimo 29:2 - IBAYIBOLO 2024

² Mubupalaye ubuchindamu pachifukwa icha itabwa lyache, sona mumwiputaye u Mwene bo akwiza mubuchindamu ubuzelu.

Masalimo 29:2 Iomraidhean Croise

2 Imbili 20:21

Bo u Yehoshafati anenezannya na bantu, akabasala abantu ukuti bamwimbilaye u Mwene nukumupala sona bakavwala inkazo izelu, bo bakwenda pantazi pabasilikali nukwimba ukuti, “Mumupalizyanje u Mwene pachifukwa ichakuti ulughano lwache lwa bwila na bwila.”

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Masalimo 27:4

Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Masalimo 90:17

Wee Mwene u Chala witu, u bwiza bwako bubanje papitu. Uzisaye imbombo izya nyobe zyitu, eee uzisaye imbombo izya nyobe zyitu.

Masalimo 96:6

Ubuchindamu nu bumwene vili pamaso papache, sona amaka nukuboneka akiza vili mubuzilo bwache ubuzelu.

Masalimo 97:9

Wee Mwene, we Wakumwanya Nkani pachisu chosi ichapasi, we wamaka ukubachila abachala bosi.

Yelemiya 13:16

Mumuchindikaye u Mwene u Chala winyu bo achili pakwiza nichisi, bo ivinama vyinyu vitipunuye muchisi icha mumaghamba. Mukulindilila ulukozyo, loli akwiza pakulupela pakuba chisi ichakoghofya.