Masalimo 28:9 - IBAYIBOLO 2024

⁹ Ubapokaye abantu bako nukuyisaya impyana yako. Ubanje we mudimi wabo, sona ubasungililaye bwila na bwila.

Masalimo 28:9 Iomraidhean Croise

2 Samuweli 21:3

U Devedi akabalalusya aba Gibeyoni akati, “Nkimba imbabombele choni? Nkimba ningabika chakupepesezya choni, umwakuti mubasaye abantu aba Mwene?”

2 Samuweli 7:7

Kosi kuko nabukagha poka naba Izilayeli, nkimba nkabalalusyapo abalongozi babo nkabapa imbombo iya kubadima abantu bane aba Izilayeli ukuti, “Nkimba choni chicho mutanzengeye inyumba iya makwi agha mwale?” ’

1 Abamwene 8:51

Pakuti banaba bantu bako, sona mpyana yako, babo ukabefya mu Ijiputi mumuvuno uwa moto.

1 Abamwene 8:53

Pakuti ukabasala pakasi pa inko zyosi izya muchisu ichapasi ukuti babanje mpyana yako, ukuyana namumo ukanenela nu mubombi wako u Mozesi pakabalilo kako awe we Mwene Uwamaka Ghosi ukabefya abanyenya bitu mu Ijiputi.”

Ezila 1:4

Kosi kuko abantu abakusyala bumi bakwikala, abantu aba mulamula babapanje usiliva nu golide ni vintu ivyiza ni vitekwa sona ni vyakwiyipa mubwighane bwabo pakuba vya mu Nyumba iya Chala mu Yelusalemu.’ ”

Masalimo 14:7

Mwee nalondagha nkani, ngali ubupoki ubwa Izilayeli bukufumila ku Ziyoni! Bo u Mwene akubapela abantu bache, ukuti ivintu vibendelaye sona akiza, u Yakobo asekelaye, sona wepe u Izilayeli ahobokaye!

Masalimo 25:22

Wee Chala, ubapokaye aba Izilayeli kuntamyo zyabo zyosi.

Masalimo 78:71

Akamusenda kuko akadimagha ing'ozi ukuti abanje mudimi uwa luko ulwa Yakobo, u Izilayeli, ichilingo chache.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Yesaya 46:3

Wee nyumba iya Yakobo, nteghelezya, amwe mwebosi abakusyalako munyumba iya Izilayeli, amwe nkabanyamula ukwanda pakabalilo kako mukamelelagha ulwanda, sona ukwanda pakabalilo kako mukapapiliwanga

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Yelemiya 10:16

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Yelemiya 31:7

U Mwene akuti, “Mumwimbilaye u Yakobo umwabuhobosu, mukolomokaye pachifukwa icha luko lulo luchilite inko zyosi. Mumwimbilaye bo mukumupala mukuti, ‘Wee Mwene, bapoke abantu bako, aba Izilayeli abakusyalako.’

Mika 5:2

U Mwene akuti, “Wee Betelehemu Efulati, napapo we munandi pakasi pa luko ulwa Yuda, mumwako mukwiza pakufumamo weka yuyo akwiza pakuba mulaghili uwa Izilayeli, ichifumo chache chakale, ichamasiku aghakale nkani.”

Mika 5:4

Akwiza pakwiyula nkani nukudima ivitekwa vyache na maka agha Mwene, sona nu buchindamu ubwa litabwa ilya Mwene u Chala wache. Sona bakwiza pakwikala umwakufwasa, po ubukulu bwache bukwiza pakufika kubumalilo ubwa chisu ichapasi.

Mika 7:14

Wee Mwene, badime abantu bako ni ndisa yako, umudimo uwampyana yako, ghugho ghukwikala wene mumusitu. Ghuleke ghulyanje apakudimilapo, ghuleke ghulyanje mu Bashani, na mu Giliyadi ngati mo mumasiku aghakale.

Matayi 2:6

‘Wee Betelehemu, muchigaba icha Yudeya ute we munandi uwabumalilo pakasi patwaya tosi utwa mu Yudeya. Mumwako mukwiza pakufumamo umulongozi, yuyo akwiza pakubalongozya abantu bane aba Izilayeli.’ ”

Aba Efeso 1:18

Nkwiputa sona ukuti Umuzimu Umuzelu ighule amoyo ghinyu umwakuti mulwennye ulukozyo lwache umwakuti mungalumanya ulusubilo, lulo u Chala akabitizizya. Nalondagha sona ukuti mumanye ukukula kwache ukwa bukabi nu lusayo, lulo u Chala akabalayizya abantu bache.

Ukukumbusya Amalamulo 1:31

sona na munkolongo. Kulakula mukennya namumo U Mwene u Chala winyu akabanyamulila pabulendo bwinyu bosi nukubafisya kunuku ukuyana namumo uwise akumunyamulila umwana wache.”

Ukukumbusya Amalamulo 32:9

Pakuti ubuzilo ubwa Mwene bo bantu bache akabasala abanyumba iya Yakobo pakuba mpyana yache.

Ukukumbusya Amalamulo 9:26

Po nkiputa nkati, “Wee Mwene Uwamaka Ghosi, utakabanangannye abantu bako, babo yo mpyana iyako ni yako, abantu babo ukabapoka mu Ijiputi na maka ghako amakulu.

Ukukumbusya Amalamulo 9:29

Loli pope bulo abantu banaba bantu bako na bako, yo mpyana yako, sona babo ukabefya mu Ijiputi na maka ghako amakulu.”