Masalimo 28:7 - IBAYIBOLO 2024

⁷ U Mwene we maka ghane sona we ngulu yane, po umoyo wane ghumusubiye sona anyavwa. Umoyo wane ghukunyelanyela pachifukwa icha buhobosu, sona nkwiza pakumupala ni nyimbo.

Masalimo 28:7 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Masalimo 13:5

Loli nkulusubila ulughano lwako lulo lutakumalapo nalumo, umoyo wane ghukusekela pachifukwa icha bupoki bwako.

Masalimo 13:6

Nkwiza pakumwimbilagha u Mwene, pakuti ambombela inyiza.

Masalimo 19:14

Amazyu ni nyinong'ono izya mumoyo wane vikuhobosyanje, wee Mwene, we lyalabwe lyane, sona we mutabuli wane.

Masalimo 21:1

Wee Mwene, u mwene akusekela pachifukwa icha maka ghako, akuhoboka nkani pachifukwa icha ubupoti bubo ukumupanga.

Masalimo 22:4

Abanyenya bitu bakakusubilagha, po ukabapoka pakuti bakakusubila.

Masalimo 28:8

U Mwene we maka agha bantu bache, sona we lilinga ilyakumupoka umupakiwa wache.

Masalimo 3:3

Loli wee Mwene awe we ngulu yane, we buchindamu bwane, sona we ukughukazya nkani umoyo wane.

Masalimo 3:4

Nkumwitizya u Mwene umwakukolomoka, po akunyamula bo ali pighamba lyache izelu.

Masalimo 33:21

Amoyo ghitu ghakuhoboka pachifukwa icha yuyo, pakuti tulisubiye itabwa lyache izelu.

Masalimo 37:39

Ubupoki ubwa bantu abagholosu bukufuma kwa Mwene, sona we lilinga lyabo pakabalilo akantamyo.

Masalimo 40:3

Mumulomo wane akabikamo ulwimbo ulupya, ulwimbo ulwakumupala u Chala witu. Abinji bakwiza pakuzyennya zinizi nukunyila, po bakwiza pakumusubila u Mwene.

Masalimo 43:2

Pakuti awe we Chala yuyo we mpanda yane. Nkimba choni chicho wandeka nemwene? Nkimba choni chicho indilaye bo abalwani bane bakunjivya?

Masalimo 46:1

U Chala we wapakuvwama pitu, sona we maka ghitu, yuyo iyanizye pakutwavwa pakabalilo akantamyo.

Masalimo 46:2

Polelo tutakumunyila, napapo ichisu ichapasi chinganduka, napapo amaghamba ghangawila munyanja inyibizu.

Masalimo 69:30

Nkwiza pakulipala itabwa ilya Chala pakumwimbila ulwimbo, sona nkwiza pakufumusya nizya bukulu bwache pakumupalizya.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Masalimo 91:4

Akwiza pakukuvwinka na meya ghache, muvipapande vyache ukwiza pakuponelamo, ukusubiliwa kwache yo ngulu yitu ni chakuponelamo.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 45:24

Bakwiza pakunena nizya ane ukuti, “Mwa Mwene mpela, momumo muli ubugholosu namaka.” Loli bosi babo bambengite, bakwiza pakukoziwa isoni.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Aba Efeso 6:10

Ichabumalilo nkuti mwimaye nkani mwa Mwene, nukwimilila nkani mumaka ghache amakulu.

Ubuvumbuli 15:3

Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighisya nkani! Wee Mwene uwa inko zyosi, izila zyako zyanaloli sona ngolosu.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.