Masalimo 28:4 - IBAYIBOLO 2024

⁴ Ubatanizyanje ukuyana ni mbombo zyabo, sona ukuyana ni vintu ivibibi vivyo babombite. Ubatanizye ukuyana na vivyo babombite ni nyobe zyabo, sona ubapanje umuvwalo uwakuyana ni mbombo zyabo.

Masalimo 28:4 Iomraidhean Croise

2 Samuweli 3:39

Ilelo inte na maka sona, napapo ne mwene umupakiwa, sona abana aba Zeluya bamaka nkani ukunchila. U Mwene amutanizye umuntu umubibi yunuyu ukuyana nu bubibi bwache.”

Ezila 9:13

“Ivintu vivyo vyatuwila cho chifukwa icha mbibi nu bubibi bwitu ubukulu nkani. Loli wee Chala witu, watufunda panandi bulo ukuchila namumo zibeleye imbibi zyitu sona witikizya ukuti abantu bitu bamo basyaleko bumi.

Masalimo 103:10

Atakutufunda ukuyana ni mbibi zyitu, pamo ukututanizya ukuyana nukunanga kwitu.

Masalimo 21:10

Ukwiza pakubazimizya abana babo pachisu ichapasi, abaluko lwabo bakwiza pakumala pakasi pabantu bosi.

Masalimo 5:10

Wee Chala, ubafundaye, sona balemiwanje muvipingo vyabo. Ubefyepo pamaso papako pachifukwa icha mbibi zyabo inyinji, pakuti bakusambukiye.

Masalimo 62:12

Ichinji chakuti awe Mwene, we lughano, pakuti naloli ukwiza pakumupa umuntu wesi umuvwalo, ukuyana ni mbombo zyache.

Nkuto 3:64

“Wee Mwene ubatanizyanje zizyo zibabaghiye, sona ukuyana na zizyo babomba ni nyobe zyabo.

Ezekiyeli 38:10

“ ‘U Mwene Uwamaka Ghosi akuti: Pisiku lila inyinong'ono zikwiza pakwiza mumoyo wako nukwanda pakuyannya pakubatika ububibi

Aba Loma 11:22

Panapa mungachennya ichisa icha Chala, sona nu bukali bwache. Abakalaliye abantu babo bawiye, loli ali ni chisa namwe, nanti mukwendelela pakubomba vivyo vikumuhobosya. Loli nanti mutakubomba bunubu, namwe bulo mukwiza pakupalantiwa.

2 Timoti 4:14

U Alikizandala, umusyani uwa vyela yula akambombela ububibi nkani. U Mwene akwiza pakumutanizya ukuyana ni mbombo zyache.

Ubuvumbuli 18:6

Umubombelaye bulo vivyo wepe akakubombela, umutanizikizyanje kabili pa zizyo abomba. Izuzya kabili ulubako lwache ulwa ntamyo zizyo wepe akwiza pakuyimba nazyo.

Ubuvumbuli 22:12

U Yesu akati, “Ivwa kuno! Nkwiza lunulu! Nkwiza nu muvwalo wane pakumupa umuntu wesi ukuyana ni mbombo zyache.