Masalimo 28:3 - IBAYIBOLO 2024

³ Utakanyefyezyanje poka na bantu ababibi, babo bakubomba ivintu ivibibi. Abantu banaba bakunenagha amazyu amiza ku bapalamani babo, loli mumoyo ghabo mwizuye nu lubengo.

Masalimo 28:3 Iomraidhean Croise

Masalimo 10:14

Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 10:7

Mumulomo wache mwizuye vyo vighune, nu bumyasi, na mazyu amababe. Ululimi lwache lope lukwiza pakubapelela bulo abanji intamyo, sona ni mbibi.

Masalimo 12:2

Umuntu wesi akutamanta ku mupalamani wache, sona akumuzimbula na mazyu amanonu.

Masalimo 141:4

Umoyo wane ghutakawesiwanje ni vintu ivibibi, sona intakasendayepo ichigaba mumbombo imbibi. Utakanyitikizyanje ukuti nangalaye poka na babomba mbibi, sona intakalyanje nabo ichakulya chabo ichinonu.

Masalimo 26:9

Utakanzimizyanje poka na babomba mbibi, pamo ukunangannya poka na baghoghi.

Masalimo 36:4

Bo alambalaye pachitala chache akwinong'ona ububibi bwene, akwibika mwene mu mbibi, sona atakubuleghuka ububibi.

Masalimo 52:1

Wee muntu uwamaka, nkimba choni chicho ukwituvikizya imbombo zyako imbibi? Fwandi choni chicho ukwituvya isiku lyosi, awe we muntu umukozya isoni pamaso pa Chala?

Masalimo 55:21

Amazyu ghache matonte nkani ngati mafuta agha lukama, loli mumoyo wache muli ubwite. Amazyu ghache matonte nkani ukuchila amafuta loli ghayanite bulo na bapanga.

Masalimo 62:4

Bakalondagha bulo pakumunyunkula pabuzilo bwache ubwa buchindamu, sona bakuhoboka nkani nanti bakunena ubumyasi. Bakusaya nu mulomo wabo, loli mukasi mumoyo ghabo bakughuna.

Masalimo 7:14

Naloli umubibi akwinong'onagha bobibi, sona imbombo yache ko kupela intamyo nukubazimbula bulo abantu.

Mika 3:5

U Mwene akuti, “Abalaghuzi babo bakubasovya abantu bane, nanti yumo akubapa ichakulya, kokuti bakulumbilila ‘umutende.’ Nanti atakubomba bunubu, kokuti bakwiyannya pakulwa nawe ubwite.

Ukubelengiwa 16:26

U Mozesi akachibuzya ichilundilo chila akati, “Muvitantame ivisakasa ivya bantu ababibi banaba, sona mutakachipalamasyanje nachimo ichintu ichinyazu icha bantu banaba lumo mungazimila poka nabo pachifukwa icha mbibi zyabo.”

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 25:46

Po abantu bala bakwiza pakufundiwa bwila na bwila, loli abagholosu bakwiza pakwinjila mubumi ubwa bwila na bwila.”