Masalimo 28:2 - IBAYIBOLO 2024

² Unteghelezyanje bo nkulila ukuti umpelele ichisa sona bo nkulila, nkulaba ubwavwilizi. Unteghelezyanje bo nagholosezya inyobe zyane ku Buzilo bwako Ubuzelu Nkani.

Masalimo 28:2 Iomraidhean Croise

1 Abamwene 6:19

U Solomoni akayannya Ubuzilo Ubuzelu ubwa mukasi muchisakasa ukuti ikazyepo Ibokosi ilya Lufingo ulwa Mwene.

1 Abamwene 6:5

Akazenga sona ivipinda ivyamumwanya papipi nulubumba ulwa Nyumba yila, ukuzyungulila ivibumba ivya Nyumba inkulu, sona na Mubuzilo Ubuzelu mukasi.

1 Abamwene 8:38

po nanti abantu bako aba Izilayeli bakwiputa umwakulambilizya sona nanti umuntu wesi azimanya intamyo zizyo zyamuwila, nukukwezya inyobe zyache mumwanya pakwiputa mu Nyumba iyi,

2 Imbili 6:13

Pakabalilo kalakala akapanga ichighemo icha mukuba chicho mubutali chikaba amamita mabili, mububaba chikaba imita yoka, sona mumwanya chikaba amamita folo nukuchibika pakasikasi muntanda. Po akakwela pachighemo pala nukufughama pamaso pa chilundilo chosi icha ba Izilayeli, bo agholosizye inyobe zyache mumwanya.

Masalimo 125:5

Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.

Masalimo 130:2

Wee Mwene, ivwa ukulila kwane, amakutu ghako ghivwanje ukulila kwane ukuti umpelelaye ichisa.

Masalimo 134:2

Kwezya inyobe zyinyu mumwanya, pakumwiputa mubuzilo bwache ubuzelu, sona mumupalaye u Mwene.

Masalimo 138:2

Nkwiza pakufughamila kunyumba yako izelu, sona nkwiza pakulipala itabwa lyako pachifukwa icha lughano nu busubiliwa bwako, pakuti walanjizya ukuti itabwa lyako na mazyu ghako, vili pamwanya ukuchila ivintu vyosi.

Masalimo 140:6

Wee Mwene, nkukubuzya nkuti, “Awe we Chala wane.” Wee Mwene, ivwa ukulila kwane ukuti unyavwe.

Masalimo 141:1

Wee Mwene, nkukwitizya, zagha lubilolubilo ukuti unyavwe, ivwa izyu lyane, bo nkukwitizya.

Masalimo 141:2

Inyiputo zyane zibanje ngati twakufukizya utwakununkila pamaso papako. Ukukwezya inyobe zyane mumwanya, kubanje ngati cho chakwiyipa icha pachamabwila.

Masalimo 143:6

Nkukwezya inyobe zyane kukwako, umoyo wane ghuli ni nyota nawe, ngati po chisu ichumizu.

Masalimo 5:7

Loli pachifukwa icha chisa chako ichikulu nkani, ane nkwiza pakwinjila munyumba yako. Nkwiza pakufughama nukukuchindika munyumba yako izelu.

Masalimo 63:4

Nkwiza pakukupala bo inchili indi nubumi, sona nkwiza pakukwezya inyobe zyane pakukuchindika.

Nkuto 2:19

Nyamuka pabusiku nukulila, bo abalindilili bakwanda bulo imbombo yabo, sona mubuzye u Mwene vyosi ivya kusingo. Gholosezya inyobe zyinyu kwa Mwene pachifukwa icha bumi ubwa bana binyu babo bakufwa nizala mumisebo.

Daniyeli 6:10

Bo u Daniyeli azyaghannya ukuti ululaghilo lula lwabikiwa, akabwela nukwinjila muchipinda chache icha pamwanya, chicho amabwindo ghache ghakighuliwa umwakwenannya nakaya akakulu nkani aka Yelusalemu. Akafughamagha katatu pisiku pakwiputa, nukumupalizya u Chala ukuyana namumo akabombelagha pakwanda.

Daniyeli 6:11

Abantu bala bakabuka ngati kabukatila nukumwagha u Daniyeli ali pakwiputa ukuti u Chala amwavwe.

1 Timoti 2:8

Nkulonda ukuti posi na posi abanavuli babo bapaghuliliwe kwa Chala, biputaye umwakukwezya inyobe zyabo izelu mumwanya umwakusita ukukalala, pamo ukususannya.