Masalimo 28:1 - IBAYIBOLO 2024

¹ Wee Mwene nkulila kukwako we lyalabwe lyane, utakabanje ngati we mapuli. Pakuti nanti wabanga bulo myee, nkwiza pakuyana bulo na babo bali mumapumpa.

Masalimo 28:1 Iomraidhean Croise

Yobu 33:28

Akabupoka ubumi bwane kwipumpa, po nkwiza pakuba nubumi nukwilagha ulukozyo.”

Masalimo 142:1

Nkulila umwakukolomoka kwa Mwene, nkumulilila u Mwene ukuti ampelele ichisa.

Masalimo 142:2

Nkubika amilumbusyo ghane pamaso papache, sona nkumubuzya intamyo zyane.

Masalimo 143:7

Wee Mwene, unyamule lubilolubilo, pakuti umuzimu wane wadedebala. Utakanfisilaye icheni chako, lumo ningayana na bantu babo bali mwipumpa.

Masalimo 18:2

U Mwene we lyalabwe lyane we lilinga lyane, sona we mupoki wane. U Chala wane we lyalabwe lyane, mumo nkuponelamo. We ngulu yane ni mpembe yane, iya bupoki bwane, sona we lilinga lyane.

Masalimo 22:2

Wee Chala wane pamusanya nkulila, loli utakunyamula, pabusiku intakupuma sona ntakutuzyapo napo panandi.

Masalimo 3:4

Nkumwitizya u Mwene umwakukolomoka, po akunyamula bo ali pighamba lyache izelu.

Masalimo 30:4

Mwee bantu bache abasubiliwa, mumwimbilaye u Mwene, sona mulipalaye itabwa lyache izelu.

Masalimo 30:9

“Nanti nafwa, nukwinjila mwipumpa nkimba ningakabapo ichoni? Nkimba ulufumbi lungakupala? Nkimba lungafumusya nizya busubiliwa bwako?

Masalimo 35:22

Wee Mwene, wazyennya zinizi utakabanje bulo myee. Wee Mwene, utakabanje kubutali nane.

Masalimo 39:12

“Wee Mwene, ivwa inyiputo zyane. Teghelezya ukulila kwane ukuti unyavwe, sona utakabanje ngati we mapuli bo nkulila. Pakuti nkwikala nawe ngati ne mwendazila, sona ngati ne muyeni ukuyana namumo abanyenya bitu bakabela.

Masalimo 42:9

Nkumulalusya u Chala, Ilyalabwe lyane nkuti, “Nkimba choni chicho wanduvya? Nkimba choni chicho indilaye, pachifukwa ichakuti abalwani bane bakunjivya?”

Masalimo 5:2

Wee Mwene wane, sona Chala wane, ivwa ukulila kwane, po unyavwe, pakuti nkwiputa kukwako.

Masalimo 69:15

Utakitikizyanje amizi aghakwizula ukuti ghandwibizye, pamo ukuti inyanja inyibizu yindwibizye, pamo ukuti ninjile mwipumpa.

Masalimo 77:1

Nkumulilila u Chala ukuti anyavwe, sona nkukolomoka kwa Chala ukuti anyivwe.

Masalimo 83:1

Wee Chala, utakabanje bulo myee, wee Chala utakapumaye bulo, pamo pakuba ngati po we chimyeka.

Ivyili 1:12

zagha tumuzimizye bulo umumi ngati muntu yuyo asyiliwa, azimile chimyemye ngati muntu yuyo ali mwipumpa.

Yesaya 26:4

Musubilaye u Mwene bwila na bwila, pakuti u Mwene u Mwene we lilyalabwe ilya bwila.

Yesaya 38:18

Pakuti ipumpa litangakupala awe, ubufwe bope butangakupala, babo bakwinjila pasi muchibwina, batangabusubila ubwanaloli bwako.

Ubuvumbuli 20:3

Uwantumi yula akamusumbila u Satana muchibanka ichibizu nkani nukumwighalila. Akamata umulyango umwakuti atakazizimbulepo nalumolumo inko izya bantu mupaka amaka 1,000 ghamale. Pisinda pache asatuliwanje ukwa kabalilo akapimpa bulo.