Masalimo 27:6 - IBAYIBOLO 2024

⁶ Po nkwiza pakubapota abalwani bane babo banzyunguliye, sona nkwiza pakubika ichakwiyipa muchisakasa chache nukukolomoka. Nkwiza pakwimba inyimbo izyakumupalizikizya u Mwene.

Masalimo 27:6 Iomraidhean Croise

Ubwandilo 40:13

Bo ghachilapo amasiku matatu u Falabo akwiza pakukufumyamo muno, akwiza pakukuhobokela, sona nukukunyosezya pambombo yako. Ukwiza pakumupa ulubako lwache ngati mumo ukabombelagha kwisinda uko.

Ubwandilo 40:20

Naloli bo ghachilapo amasiku matatu pakaba ulusekelo ulwakupapiwa ukwa Falabo, po u Falabo akaghitizya amakambala ghache ghosi. Akamufumya mujele uwakumupa uvinyo nu wakupiya ivibama yula nukubimika pamaso pa makambala ghache.

2 Samuweli 22:1

U Devedi akamwimbila u Mwene ulwimbo pisiku lilyo u Mwene akamupoka munyobe izya Sabuli, sona na munyobe izya balwani bache ulwakuti,

2 Samuweli 22:49

nukumpoka munyobe izya balwani bane. Ukankwezya pamwanya pa balwani bane, ukampoka munyobe izya bantu babo bakansambukila.

2 Samuweli 7:9

Ane nabanga nawe kosi kuko wabukagha, sona nabachimbizya abalwani bako pamaso papako. Losi ulu nkwiza pakulipela itabwa lyako pakuba likulu nkani ngati amatabwa agha bantu abamanyikwe aba muchisu ichapasi.

2 Abamwene 25:27

Mumwaka ghugho u Evili Melodaki akaba we mwene uwa Babiloni, akamupelela ichisa u mwene u Yehoyakini uwamu Yuda nukumusatula mujele. Vinivi vikabombiwa pisiku ilya 27 mumwezi uwa 12.

1 Imbili 22:18

Akabalalusya akati, “Nkimba u Mwene u Chala winyu ate namwe? Nkimba atabapiye umutende kosi na kosi? Pakuti ababika abenekaya munyobe zyane, sona ichisu chabo chili pasi pabulaghili ubwa Mwene, poka na bantu bache.

Masalimo 107:22

Babikaye ichakwiyipa ichakupalizikizya, nukwimba inyimbo izya lusekelo.

Masalimo 110:7

Akwiza pakung'wela mulusoko lulo luli muzila, po akwiza pakwinusya umutu wache.

Masalimo 119:108

Wee Mwene, pokela ichakwiyipa icha mapalo ghane, sona umanyisyanje amalamulo ghako.

Masalimo 138:5

Bimbaye pazizyo u Mwene abomba, pakuti ubuchindamu ubwa Mwene bukulu.

Masalimo 21:1

Wee Mwene, u mwene akusekela pachifukwa icha maka ghako, akuhoboka nkani pachifukwa icha ubupoti bubo ukumupanga.

Masalimo 21:13

Wee Mwene upaliwanje pachifukwa icha maka ghako, sona tukwiza pakukwimbilagha inyimbo izyakughapalizikizya amaka ghako.

Masalimo 3:3

Loli wee Mwene awe we ngulu yane, we buchindamu bwane, sona we ukughukazya nkani umoyo wane.

Masalimo 3:4

Nkumwitizya u Mwene umwakukolomoka, po akunyamula bo ali pighamba lyache izelu.

Masalimo 47:1

Mwee bantu aba inko izinji, komagha inkufi, mumwimbilaye umwakulomoka u Chala pachifukwa icha buhobosu.

Masalimo 57:8

Wee moyo wane, nyamuka! Wee chinanda ni pango lyane lilagha, nkwiza pakulinyamusya izuba ni nyimbo zyane.

Masalimo 81:1

Mumwimbilaye nu buhobosu u Chala witu yuyo maka ghitu, mumwimbilaye u Chala uwa Yakobo umwakukolomoka!

Masalimo 95:1

Zagha tumwimbilaye u Mwene umwakuhoboka, zagha tukolomokelaye kwi lyalabwe ilya bupoki bwitu.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yelemiya 31:7

U Mwene akuti, “Mumwimbilaye u Yakobo umwabuhobosu, mukolomokaye pachifukwa icha luko lulo luchilite inko zyosi. Mumwimbilaye bo mukumupala mukuti, ‘Wee Mwene, bapoke abantu bako, aba Izilayeli abakusyalako.’

Yelemiya 33:11

amazyu agha buhobosu nulusekelo, na mazyu agha bantu babo bali palusekelo ulwa sendwa iya mulindu nu mulumendo, sona ninyimbo izya babo bakubika ivyakwiyipa ivyakupalizikizya mu Nyumba iya Mwene ivyakuti, ‘Mumupalizyanje u Mwene Uwamaka Ghosi pakuti u Mwene mwiza, ulughano lwache lwa bwila na bwila.’ Pakuti nkwiza pakuchinyosezya ichisu ubwiza bwache ngati mumo bukabela kale.

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Aba Hebeli 13:15

Polelo zagha tubikaye amapalo kwa Chala akabalilo kosi ukwendela mwa Yesu. Ichi cho chakwiyipa chitu, chicho uluseke ulwa milomo yiyo yikwitika ukuti we Mwene.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

Ubuvumbuli 15:3

Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighisya nkani! Wee Mwene uwa inko zyosi, izila zyako zyanaloli sona ngolosu.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.