Masalimo 27:4 - IBAYIBOLO 2024

⁴ Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Masalimo 27:4 Iomraidhean Croise

2 Samuweli 21:1

Pakabalilo aka mwene u Devedi, kukabako izala amaka matutu. U Devedi akamubuzikizya u Mwene. Po u Mwene akamubuzya akati, “U Sabuli na bamunyumba yache bali ninongwa iyakughogha, pakuti akabaghogha aba Gibeyoni.”

Masalimo 23:6

Naloli ubwiza nu lughano lwako lulo lutakupotwapo nalumo vikwiza pakuba nane, mumasiku ghosi agha bumi bwane, sona nkwiza pakwikala mu Nyumba iya Mwene bwila na bwila.

Masalimo 26:6

Nkusukusula munyobe zyane ukulanjizya ukuti intanangitepo, loli nkukuchindika pakwenda umwakuzyungulila pachighemo chako.

Masalimo 26:8

Wee Mwene injighanite inyumba yiyo ukwikalaghamo, mumo muli ubuchindamu bwako.

Masalimo 27:8

Wee Mwene ukambuzya ukati, “Londelezya icheni chane!” Po icheni chako cho chicho nkuchilonda.

Masalimo 50:2

U Chala akulama bo ikaye mu Ziyoni, akaya akakuboneka akiza nkani.

Masalimo 65:4

Basayiwa abantu babo ukabasala, nukubapalamizya papipi nawe ukuti bikalaye, mulubinjilo lwako ulwanongwa. Pakuti tukwiza pakwikuta ivintu ivyiza ivya munyumba yako, inyumba izelu.

Masalimo 84:10

Ukuba palubinjilo lwako isiku lyoka, chizapo ukuti ane imbanje mulubinjilo lwako ukuchila pakubapo amasiku amasabuzani kosi na kosi. Chingaba chizapo ukuti imbanje ne mulindilili uwa pamulyango uwa Nyumba iya Chala, ukuchila ukuti imbanje muchisakasa icha bantu ababibi.

Masalimo 84:4

Basayiwa abantu babo bakwikala munyumba yako, bakukupalizya akabalilo kosi.

Masalimo 90:17

Wee Mwene u Chala witu, u bwiza bwako bubanje papitu. Uzisaye imbombo izya nyobe zyitu, eee uzisaye imbombo izya nyobe zyitu.

Yelemiya 29:13

Mukwiza pakundonda nukunyagha nanti mukundonda nu moyo winyu ghosi.

Daniyeli 9:3

Po nkaghalabukila kwa Mwene u Chala nukumulambilizya pakwiputa, nkatuzya pakulya nukuvwala amasaka nukwinyafila itoyi, pachifukwa icha ichitima.

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Luka 10:42

loli ichintu choka chikulondiwa. U Maliya asala ichintu ichiza, sona chitakwiza pakufyuliwapo nalumolumo kukwache.”

Luka 13:24

“Yezya nkani pakwinjila pamulyango umufinye. Pakuti abantu abinji bakwiza pakuyezya nkani pakwinjilapo, loli bakwiza pakupotwa.

Luka 18:1

Po u Yesu akababuzya abamanyili bache ichili pakubamanyisya ukuti biputaye akabalilo kosi nukusita ukulita.

Luka 2:37

po pisinda pache akaba mufwilwe amaka 84. Akalindagha mu Nyumba iya Chala, akamwiputagha u Chala umusanya nu busiku nukutuzya pakulya.

2 Aba Kolinti 3:18

Polelo aswe twebosi, tukulanjizya ubuchindamu ubwa Mwene nivyeni vyitu vivyo vite ni chakuvwinka. Tukwanduliwa pakuba chifwani chache nu buchindamu ubwakonjelelakonjela, bubo bukufuma kwa Mwene, yuyo we Muzimu Umuzelu.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Aba Filipi 3:13

Mwee bakamu bane, intakwinong'ona ukuti napota kale, awe. Loli pali ichintu choka chicho nkubomba: Nkuluvya ivya mwisinda, sona indi nu lweke nkani pakunyululukila ivya muntazi.

1 Timoti 5:5

Umukolo umufwilwe yuyo ali mwene bulo, sona ate nawe nayumo umuntu uwakumusunga, akubika ulusubilo lwache mwa Chala nukwendelela pakwiputa kwa Chala pamusanya na pabusiku nukumulaba ukuti amwavwe.

Aba Hebeli 11:6

Sona ukusita pakuba nu lwitiko, chipala nkani pakumuhobosya u Chala, pakuti umuntu wesi yuyo akwiza kukwache asubilaye ukuti u Chala aliko, sona nukuti akubapa umuvwalo abantu babo bakumulondelezya.

1 Samuweli 1:11

Po akalapa ichilapo akati, “Wee Mwene Uwamaka Ghosi, nanti wennya bulo intamyo zyane nukunkumbuka, sona nanti utakunduvya ane ne wambombo wako pakumpa umwana umulumendo, umwana yula nkwiza pakumupa u Mwene amasiku ghosi agha bumi bwache, sona atakwiza pakumwapo nalumo isisi zyache.”

1 Samuweli 22:10

Po u Ahimeleki yula akabuzikizya kwa Mwene mubuzilo ubwa Devedi. U Ahimeleki akamupa u Devedi ivyakulya nupanga uwa Goliyati umu Filisiti yula.”

1 Samuweli 30:8

U Devedi akamubuzikizya u Mwene akati, “Nkimba ningakakonka akabukatila aka mavyondongo? Nkimba nkwiza pakubagha nukubapoka abantu babo babalemite?” U Mwene akamwamula akati, “Bakonke, ukwiza pakubagha, sona ukwiza pakubapoka abantu babo babalemite.”