Masalimo 27:13 - IBAYIBOLO 2024

¹³ Nkusubila ukuti nkwiza pakubwennya ubwiza ubwa Mwene muchisu icha bantu abumi.

Masalimo 27:13 Iomraidhean Croise

Yobu 28:13

Umuntu atakuyimanya izila iyakubukila kumahala ghanagha, sona ghatakwaghiwa mubantu aba muchisu ichapasi.

Yobu 33:30

pakubupoka ubumi bwache kwipumpa umwakuti ulukozyo lwabumi lumulamilaye.

Masalimo 142:5

Wee Mwene, nkulilila kukwako nkuti, “Awe we buzilo bwane ubwakuvwamilamo sona we mpyana yane muchisu icha bantu abumi.”

Masalimo 142:6

Ivwa ukulila kwane, pakuti nkuyimba nkani. Mpoka munyobe izya bantu babo bakunchimbizya, pakuti bamaka nkani ukunchila.

Masalimo 31:19

Ubwiza bwako bukulu nkani, bubo ubasungiye babo bakukwivwila. Ukubalanjizya ubwiza bunubu abantu babo bakuchimbilila kukwako, sona umuntu wesi azyennya zinizi.

Masalimo 42:5

Wee muzimu wane, nkimba choni chicho uli ni chitima? Fwandi choni chicho mukasi mumwane mukutamiwa? Ukwiza pakumulindilila u Chala, pakuti nkwiza pakumupala, Umupoki wane nu Chala wane.

Masalimo 52:5

Naloli u Chala akubanangannya bwila na bwila. Akwiza pakukuzompola munyumba yako, sona akwiza pakukunyunkulamo muchisu icha bantu abumi.

Masalimo 56:13

Pakuti ukampoka ukuti indeke pakufwa, sona ukazipoka inyayo zyane ukuti zitakatyelemuke, umwakuti nendaye pamaso pa Chala mulukozyo ulwa bumi.

Masalimo 56:3

Nanti ubogha bwandema, nkwiza pakukusubila wewe.

Yesaya 38:11

Po nkati, “Ntakwiza pakumwennya sona u Mwene, bo inchili indi muchisu icha bantu abumi, ntakwiza pakubennya sona abamanyani bane, pamo abantu babo bakwikala muchisu ichapasi.

Yesaya 38:19

Abumi, bo babo bakukupala awe, ngati mumo nkubombela ilelo, abatata bakubabuzya abana babo, nizya busubiliwa bwako.

Yelemiya 11:19

Nkaba ngati ne mwana uwa ng'ozi yuyo akubuka pakughoghiwa. Intakazimanya ukuti amaso ghosi ghali papane, bo bakunena ukuti, “Zagha tulidumule ikwi ili bo lichili libisi. Zagha tumughoghe ukuti itabwa lyache lizimile.”

Ezekiyeli 26:20

po nkwiza pakukusumba pasi poka na babo bakubuka kwipumpa, abantu abakale. Nkwiza pakukwikazya kusi kuchisu, mubuzilo ubwakale nkani, poka na bantu babo bakubuka kubuzilo ubwabafwe, mutakwiza pakunyokela sona nayumo uwakwikala mukasi mumwako, pamo pakusenda ubuzilo bwako muchisu icha abantu abumi.

2 Aba Kolinti 4:1

U Chala muchisa chache atupiye imbombo iyi, po tutakunyokela mwisinda.

2 Aba Kolinti 4:16

Pachifukwa chinichi tutakunyokelapo nalumolumo mwisinda. Napapo amabili ghitu ghakudedebala panandipanandi, loli amoyo ghitu ghakupokela amaka amapya isiku ni siku.

Aba Efeso 2:8

U Chala akabapoka muchisa chache ukwendela mu lwitiko lwinyu. Ichi chite chifukwa icha kwiyula kwinyu, loli chabupi icha Chala.