Masalimo 27:10 - IBAYIBOLO 2024

¹⁰ Napapo umayi nu tata bandekite nemwene, loli u Mwene akwiza pakunsungilila akiza.

Masalimo 27:10 Iomraidhean Croise

2 Samuweli 16:11

Po u Devedi akamubuzya u Abishayi poka na makambala ghache ghosi akati, “Nanti umwana wane nu wane akulonda pakungogha. Po umu Benjamini uyu angaleka bulibuli pakunguna? Muleke bulo, angune pakuti we Mwene yuyo amubuzya ukuti abombe bunubu.

Masalimo 69:8

Ane naba ngati po ne muyeni pakasi pa bakamu bane, sona ngati po ne mwendazila pakasi pa bawamwitu.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Yesaya 49:15

Nkimba u umukolo angamuluvya umwana wache yuyo akumonkezya, nukuleka pakuba ni chililizi nu mwana yuyo amupapite? Napapo angamuluvya, ane intangabaluvya, awe!

Matayi 10:36

Abalwani aba muntu bakwiza pakuba bantu abamunyumba yache.

Yohani 16:32

Akabalilo kakwiza, sona kakwana kale, bo mukwiza pakusata, umuntu wesi kukaya kache nukundeka nemwene. Loli inte nemwene pakuti Utata ali poka nane.

Yohani 9:35

U Yesu akivwa ukuti umuntu yula bamwepuzyamo munyumba iyakwiputilamo, sona bo amwagha akamulalusya akati, “Nkimba ukumusubila u Mwana uwa Muntu?”

2 Timoti 4:16

Pakabalilo akakwanda pakwiyimila nemwene panongwa yane, nayumo umuntu yuyo akiza pakunyavwa, loli abantu bosi bakantoloka. U Chala atakabelengele ukunanga kwabo.