Masalimo 27:1 - IBAYIBOLO 2024

¹ U Mwene we lukozyo lwane sona we bupoki bwane, po intangamunyila nayumoyumo umuntu. U Mwene we lilinga ilya bumi bwane, po ntakwiza pakutetema nalumo.

Masalimo 27:1 Iomraidhean Croise

Yobu 29:3

bo inyale yache yikwaka pamutu wane, nulukozyo lwache nkadumusannyanga muchisi!

Masalimo 11:1

Mwa Mwene momumo nkuvwamaghamo. Po nkimba mungambuzya bulibuli ukuti, “Chimbilila kumaghamba ngati cho chiyuni?

Masalimo 118:21

Nkukupalizya, pakuti wanyamula, awe we mupoki wane.

Masalimo 118:6

U Mwene ali nane, po ntakwiza pakunyila. Nkimba umuntu angabomba choni nane?

Masalimo 18:28

Wee Mwene wewe ukuyipela inyale ukuti yakaye, u Chala wane akuchipela ichisi chane pakuba lukozyo.

Masalimo 18:29

Nu bwavwilizi bwako ningakapota akabukatila aka basilikali, nu bwavwilizi ubwa Chala wane ninganyela ulupaso.

Masalimo 18:46

U Mwene umumi, apaliwanje Ilyalabwe lyane. Achindikiwanje u Chala Umupoki wane.

Masalimo 19:14

Amazyu ni nyinong'ono izya mumoyo wane vikuhobosyanje, wee Mwene, we lyalabwe lyane, sona we mutabuli wane.

Masalimo 3:8

Ubupoki bukufuma kwa Mwene, sona ulusayo lwako lubanje pabantu bako.

Masalimo 43:2

Pakuti awe we Chala yuyo we mpanda yane. Nkimba choni chicho wandeka nemwene? Nkimba choni chicho indilaye bo abalwani bane bakunjivya?

Masalimo 62:2

Wee lyalabwe lyane nu bupoki bwane, sona we lilinga lyane, po ntakwiza pakuyingana nalumolumo.

Masalimo 62:6

U Mwene we lyalabwe lyane, sona we bupoki bwane, we lilinga lyane, po ntakwiza pakuyingana.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Ukufuma 15:2

U Mwene we maka ghane, nu lwimbo lwane, sona aba bupoki bwane. We Chala wane, po nkwiza pakumupala, u Chala uwa tata wane, sona nkwiza pakumukwezya.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 2:5

Mwee baluko ulwa Yakobo, zagha twendaye mulukozyo ulwa Mwene.

Yesaya 45:24

Bakwiza pakunena nizya ane ukuti, “Mwa Mwene mpela, momumo muli ubugholosu namaka.” Loli bosi babo bambengite, bakwiza pakukoziwa isoni.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yelemiya 20:11

Loli u Mwene ali kulubazu lwane, ngati musilikali uwamaka ghosi, po babo bakunvwima bakwiza pakwipunula sona batakwiza pakumpota. Bakwiza pakukoziwa isoni akabalilo kosi, sona batakwiza pakumpota. Ukukoziwa isoni kwabo kutakwiza pakuluvyiwa.

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Matayi 8:26

U Yesu akamula akati, “Mwe bantu balwitiko ulunandi, nkimba choni chicho mukunyila?” Akanyamuka nukulamula impepo na mayigha ghala ukuti vileke, umwakuti panyanja pakaba myee nkani.

Luka 2:30

Na maso aghane na ghane nabwennya ubupoki bwako,

Luka 3:6

Abantu bosi bakwiza pakwennya ubupoki ubwa Chala!’ ”

Yohani 1:9

Ulukozyo ulwanaloli lulo lukubalamila abantu bosi lukizagha muchisu ichapasi.

Yohani 8:12

U Yesu akanena sona naba Falisayi akati, “Ane ne lukozyo ulwa chisu ichapasi. Umuntu wesi yuyo akunkonka akwiza pakuba nulukozyo ulwa bumi, po atakwiza pakwendamo nalumolumo muchisi.”

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

2 Aba Kolinti 12:9

Loli u Mwene akambuzya akati, “Ichisa chane chakuyana pakuti amaka ghane ghakuba ghakufikapo mumuntu umudedebazu.” Polelo muvintu vyosi nkwiza pakwituvya umwakuhoboka nizya budedebazu bwane, umwakuti amaka agha Kilisitu ghabanje papane.

Ukukumbusya Amalamulo 7:18

Loli mutakabanyilaye. Mukumbuke zizyo u Mwene u Chala winyu akamubombela u Falabo, poka na bantu bache bosi.

Ukukumbusya Amalamulo 7:21

Mutakabanyilaye abantu banaba, pakuti u Mwene u Chala winyu ali namwe. U Chala mukulu, sona weyuyo mumunyilaye.

Aba Filipi 4:13

Ningabomba ichintu chosi ukwendela mumwache yuyo akumpa amaka.

Aba Hebeli 13:6

Po zagha tunene nu bujivu ukuti, “U Mwene we mwavwilizi wane, po ntakwiza pakunyila. Nkimba umuntu angabomba choni nane?”

Ubuvumbuli 21:23

Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.

Ubuvumbuli 22:5

Kulakula kutakwiza pakubako sona ubusiku. Ukulama ukwa nyale pamo izuba kutakwiza pakulondiwapo nalumo, pakuti u Mwene u Chala akwiza pakuba lukozyo lwabo, sona bakwiza pakuba bamwene bwila na bwila.

Ubuvumbuli 7:10

Bakakolomoka nkani bakati, “Ubupoki bukufuma kwa Chala witu, yuyo akwikala pachitengo icha bumwene, na ku Mwana uwa ng'ozi!”