Masalimo 26:10 - IBAYIBOLO 2024

¹⁰ Abantu banaba bakubatika bulo pakubomba ivibibi sona munyobe zyabo mwizuye na mabeko.

Masalimo 26:10 Iomraidhean Croise

Masalimo 10:14

Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 11:2

Ennya abantu ababibi bakuwesa ubwele bwabo, babikite utulasilo palupote ulwa bwele bwabo umwakuti babalase babo bali na moyo amagholosu ukufumila kuchisi.

Masalimo 36:4

Bo alambalaye pachitala chache akwinong'ona ububibi bwene, akwibika mwene mu mbibi, sona atakubuleghuka ububibi.

Masalimo 52:2

Wee muzimbuli, akabalilo kosi ukwinong'ona nizya kubanangannya abanji, ululimi lwako luli ngati chipeni chicho chikwete nkani.

Ukufuma 23:8

“Mutakapokelaye amabeko, pakuti amabeko ghakubighalila amaso umwakuti ghakunyongannya ubwanaloli.

Ivyili 1:16

Pakuti ivinama vyabo vikuchimbilila kumbibi, sona bengo nkani pakubaghogha abantu.

Ivyili 4:16

Batangaghona utulo nanti batabombitepo chimo ichibibi; sona batakughona utulo mupaka bamupunuzye umuntu yumo.

Yesaya 33:15

Yuyo akwenda mubugholosu, nukunena ubwanaloli, yuyo akukana pakubazimbula abapina nukukana amabeko, sona nukwighalila amakutu ghache, ukuti ghaleke pakwivwa nizya bughoghi, nukwighalila amaso ghache, ukuti ghaleke pakwennya ububibi

Amosi 5:12

Pakuti inzimenye mumo ukunanga kwinyu kubeleye, sona nu bwinji ubwa mbibi zyinyu. Mukubayivya abantu abagholosu, nukupokela amabeko sona mukunyongannya ubwanaloli panongwa izya bantu abapina.

Mika 7:3

Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.

Imbombo 23:12

Bo kwacha, aba Yuda bakabatika nizya kumughogha u Pabuli. Bakalapa kwa Chala ukuti batakwiza pakulya pamo ukung'wela kamo mupaka papo bamughogha u Pabuli.

Ukukumbusya Amalamulo 16:19

Mutakabunyongannye ubugholosu pamo ukulonga inongwa pakwennya icheni icha muntu. Mutakapokelaye amabeko pakuti amabeko ghakubighalila amaso abantu abamahala, sona ghakunyongannya ubwanaloli.

1 Samuweli 8:3

Loli abana banaba batakasendelako inkalo inyiza iya wise, umwakuti bakabombelagha bulo zyo ndalama. Bakanda pakupokela amabeko nukulonga inongwa umwakunyongannya ubwanaloli.