Masalimo 25:9 - IBAYIBOLO 2024

⁹ Akubalongozya abantu abakwiyisya pakubomba ingolosu, sona abakumanyisya izila zyache.

Masalimo 25:9 Iomraidhean Croise

Masalimo 119:35

Ndongozya umwakuti ingakonkaye amalamulo ghako, pakuti ghakuhobosya nkani.

Masalimo 119:66

Umanyisyanje amahala ghako, sona na kivwisizye akiza, pakuti ingasubiye amalamulo ghako.

Masalimo 143:10

Umanyisyanje ubwighane bwako, pakuti awe we Chala wane. Umuzimu wako umwiza ghundongozyanje muzila yako inyiza.

Masalimo 147:6

U Mwene akubakwezya abantu abakwiyisya, loli akubisya pasi abantu ababibi.

Masalimo 149:4

Pakuti u Mwene akuhoboka na bantu bache, sona abakwiyisya akubapa ubupoki.

Masalimo 22:26

Abapina bakwiza pakulyanga nukwikuta, sona babo bakumulondelezya u Mwene bakwiza pakumupala ukuti, “Amoyo ghinyu ghabanjeko bwila na bwila.”

Masalimo 23:3

Akumpa sona amaka. Akundongozezya muzila ingolosu, pachifukwa icha buchindamu bwache.

Masalimo 27:11

Wee Mwene umanyisyanje izila zyako. Undongozezye muzila intenganu, pachifukwa ichakuti abalwani binji.

Masalimo 73:24

Ukundongozya na mahala ghako, sona pabumalilo ukumpokela mu buchindamu bwako.

Masalimo 76:9

Wee Chala bo awe wimiliye ukuti ulonge, ukuti ubapoke abantu bosi abakukanyililiwa aba pachisu.

Ivyili 8:20

Ane nkwenda muzila iya bugholosu, sona muzila iya bwanaloli.

Yesaya 11:4

loli nu bugholosu akwiza pakubalongela abapotwe, nukubadumulila abapina mubwanaloli aba muchisu ichapasi. Akwiza pakuchikoma ichisu ichapasi nindisa iya mumulomo wache, umuyi uwa milomo yache gho ghukwiza pakubaghogha ababomba mbibi.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Ezekiyeli 36:27

Nkwiza pakubika Umuzimu wane mumwinyu nukubapela ukuti mwivwilaye indaghilo zyane sona mubanje maso pakughasungilila amalamulo ghane.

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Matayi 5:5

Basayiwa abantu babo bakwiyisya, pakuti bakwiza pakupokela zizyo u Chala akabalayizya.

Yohani 14:6

U Yesu akamula akati, “Ane ne Zila, ne Bwanaloli, sona ne Bumi. Nayumo umuntu yuyo akubuka kwa Tata ukusita ukwendela mumwane.”

Imbombo 13:10

nukuti, “We mwana uwa Satana! We mulwani uwa chintu chosi ichigholosu, sona wizuye nuluko losi ulwa bumyasi nu buzimbuli. Bwila na bwila ukuyezya ukwandula ubwanaloli ubwa Mwene pakuba bumyasi!

Imbombo 9:2

nukulaba abakalata ukuti abuke nabo munyumba izyakwiputilamo mu Damasika, umwakuti nanti angabagha bamo abakonki aba Zila iya Mwene, abapinye, bosi abanavuli na bakolo nukwiza nabo mu Yelusalemu.

Aba Galatiya 5:23

nukwiyisya sona nukwilema. Lutalipo ululaghilo nalumolumo, lulo lungasusannya ni vintu vinivi.

Aba Hebeli 10:20

Iyi yo zila impya sona impelabumi, yiyo u Kilisitu akatwighulila aswe pakudumusannya pamwenda uwakuzighila, kokuti umubili uwache nu wache.

Yakobo 1:21

Polelo leka ichizubizya chosi ichibibi, sona ni nkalo yosi imbibi mumwinyu. Mubanje bakwiyisya pakupokela amazyu ghagho u Chala akabyala mumoyo ghinyu. Amazyu ghanagha ghali na maka pakubapoka.

1 Pitala 3:15

Mumunyilaye u Kilisitu mumoyo ghinyu pakuti we Mwene winyu. Akabalilo kosi mwiyannye pakumwamula umuntu wesi yuyo akubalalusya nizya lusubilo lwinyu lulo amwe muli nalo, loli mumwamulaye mubololo, sona na mumuchizi.

1 Pitala 3:4

Loli akabonekele kinyu akiza kabanje ka muntu uwa mukasi. Aka ko kabonekele akiza akenecho kako katakuchuja, aka muzimu umololo, sona nu wamyee, ghugho wamutengo nkani pamaso pa Chala.