Masalimo 25:8 - IBAYIBOLO 2024

⁸ U Mwene mwiza sona mugholosu, po akubamanyisya ababomba mbibi izila zyache.

Masalimo 25:8 Iomraidhean Croise

Masalimo 119:68

We mwiza sona ukubomba zyo nyiza, po umanyisyanje amalamulo ghako.

Masalimo 32:8

Nkwiza pakukulanjizya nukukumanyisya izila izyakuti wendayemo, sona nkwiza pakukulongozya nukukwenelezya.

Masalimo 92:15

Mulumbilile mutinji, “U Mwene mugholosu akabalilo kosi, we lyalabwe lyane, sona butalimo ububibi nabumobumo mumwache.”

Yesaya 26:7

Izila iya muntu umugholosu yifukiliwe akiza wee Mwene umugholosu, yipelaye izila iya muntu umugholosu pakuba ntenganu.

Mika 4:2

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Matayi 9:13

Bukagha, kivwisye ukuti Amasimbo ghakung'anamula ichoni, ghagho ghakuti, ‘Intakulonda ivyakwiyipa ivya vinyamana, loli nkulonda ichisa.’ Ntizite pakubitizya abantu abagholosu ukuti bapinduke, loli nizite pakubitizya abantu abambibi.”

Luka 11:13

Nanti mwe bantu mwe babibi mumenye pakubapa ivintu ivyiza abana binyu, zili bulibuli nu Ghuso uwakumwanya? Nkimba angapotwa pakubapa u Muzimu Umuzelu abantu babo bakumulaba?”

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.