Masalimo 25:7 - IBAYIBOLO 2024

⁷ Wee Mwene, utakazikumbukaye imbibi zizyo nkabomba bo indi mulumendo, sona utakakukumbukaye ukunanga kwane. Nkumbukaye mulughano lwako lulo lutakupotwa nalumolumo pakuti we mwiza.

Masalimo 25:7 Iomraidhean Croise

Yobu 13:26

Pakuti ukusimba ivintu ivyakubaba ivyakususannya nane nukumpela ukuti impyanaye imbibi izya ku bulumendo bwane.

Yobu 20:11

Amaka ghache agha kubulumendo bwache, ghagho ghali mumafupa ghache ghakwiza pakughona nawe mulufumbi.

Masalimo 106:3

Basayiwa babo bakubombela mubwanaloli, babo akabalilo kosi bakubomba ingolosu.

Masalimo 106:4

Wee Mwene, unkumbukaye, bo ukubapelela ichisa abantu bako. Bo ukubavwa abantu bako umpokaye nane bulo,

Masalimo 109:14

U Mwene azikumbukaye imbibi izya banyenya bache pantazi, sona zyope imbibi izya nyina zitakazimiwe.

Masalimo 109:16

Pakuti atakinong'onaghapo nalumo pakuba ni chisa, loli akabalilo kosi akabayivyanga abapina mupaka kubufwe, abakusobelwa sona na bakuyimba

Masalimo 109:26

Wee Mwene Chala wane unyavwe, umpoke pachifukwa icha lughano lwako ulwa bwila na bwila.

Masalimo 119:124

Mbombela ne mubombi wako, ukuyana nu lughano lwako. Po manyisya indaghilo zyako.

Masalimo 31:16

Icheni chako chindamilaye ne mubombi wako, sona umpokaye ni chisa chako chicho chitakupotwangapo nalumolumo.

Masalimo 51:1

Wee Chala, umpelelaye ichisa, pachifukwa icha lughano lwako lulo lutakupotwapo nalumolumo. Zimya ukunanga kwane, pachifukwa icha chililizi chako.

Masalimo 6:4

Wee Mwene mpoka, sona umpokaye pachifukwa icha lughano lwako, lulo lutakumala nalumolumo.

Masalimo 79:8

Utakatufundaye pachifukwa icha mbibi izya banyenya bitu, po utupelelaye ichisa lubilolubilo, pakuti twisiwa nkani.

Yesaya 38:17

Ichifukwa chicho nkivwanga ububavu chakuti, nivwanje akiza. Pakuti wampoka kubufwe, nukuhobokela imbibi zyane zyosi.

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yesaya 48:11

Pachifukwa icha nemwene, pachifukwa icha ane, nkwiza pakubomba zinizi. Nkimba ningitikizya bulibuli ukuti itabwa lyane linyaziwanje? Ntakwiza pakubapa ubuchindamu bwane abanji.

Yesaya 64:9

Wee Mwene, utakatukalalilaye ukuchilapo, sona utakazikumbukaye, imbibi zyitu bwila na bwila. Wee, utupelele ichisa twalaba, pakuti twebosi twe bantu bako.

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 31:34

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo. Nkwiza pakubahobokela imbibi zyabo, sona ntakwiza pakukumbukapo nalumolumo ukunanga kwabo.”

Yohani 5:14

Pisinda pache u Yesu akamwagha mu Nyumba iya Chala nukumubuzya ukuti, “Ivwa kuno, ilelo wapola, utakabombe sona imbibi, ukuti ichintu chimo ichibibi chingakuwila.”

Yohani 5:5

Pakasi pabantu ababine bala, akabapo yumo yuyo akabinagha amaka 38.

Aba Hebeli 8:12

Nkwiza pakubahobokela imbibi zyabo, sona ntakwiza pakubukumbukapo nalumolumo ukunanga kwabo.”