Masalimo 25:5 - IBAYIBOLO 2024

⁵ Undongozezye mubwanaloli bwako nukumanyisya, pakuti we Chala Umupoki wane, sona nkusubiye wewe isiku lyosi.

Masalimo 25:5 Iomraidhean Croise

Ubwandilo 49:18

“U Mwene, nkulindilila ubupoki bwako.

Nehemiya 9:20

Ukabapanga Umuzimu wako umwiza pakubamanyisya, po utakalekapo nalumo pakubapa umana ukuti balyanje sona ukubapanga amizi aghakung'wela.

Yobu 36:22

Naloli u Chala mukulu sona wamaka. Nkimba mumanyisi wenu yuyo ayanite nawe?

Masalimo 107:7

Akabalongozya muzila iyakugholoka bulo mupaka bakafika mukaya akakulu nkani, ukuti bikalayemo.

Masalimo 119:26

Bo nazyaghannya imbombo zyane, ukanyamula, polelo manyisya amalamulo ghako.

Masalimo 119:33

Wee Mwene, manyisya pakuzikonka indaghilo zyako, po nkwiza pakughasunga mupaka pabumalilo.

Masalimo 119:66

Umanyisyanje amahala ghako, sona na kivwisizye akiza, pakuti ingasubiye amalamulo ghako.

Masalimo 119:97

Indughanite nkani ululaghilo lwako, umwakuti nkulwinong'ona musanya ghosi.

Masalimo 22:2

Wee Chala wane pamusanya nkulila, loli utakunyamula, pabusiku intakupuma sona ntakutuzyapo napo panandi.

Masalimo 24:5

Akwiza pakupokela ulusayo ulwa Mwene sona u Chala Umupoki wache weyuyo akwiza pakunena ukuti ate ninongwa.

Masalimo 25:10

Izila zyosi izya Mwene izya lughano sona nsubiliwa, ku bantu babo bakughasunga amalamulo agha lufingo lwache.

Masalimo 25:8

U Mwene mwiza sona mugholosu, po akubamanyisya ababomba mbibi izila zyache.

Masalimo 68:20

U Chala witu we Chala yuyo akupoka, sona we Mwene Uwamaka Ghosi yuyo akutupoka kubufwe.

Masalimo 79:9

Wee Chala Umupoki witu twavwe, pachifukwa icha itabwa lyako ichindamu. Tupoke sona utuhobokelaye imbibi zyitu, pachifukwa icha itabwa lyako.

Masalimo 86:3

Wee Mwene mpelela ichisa, pakuti isiku lyosi nkukulilila.

Masalimo 88:1

Wee Mwene, u Chala yuyo akumpoka, nkulila umusanya nu busiku.

Ivyili 23:17

Utakanyonywanje zizyo abantu ababibi bakubomba, loli akabalilo kosi ubanje we walweke pakumunyila u Mwene.

Ivyili 8:34

Musayiwa umuntu yuyo akunteghelezya, yuyo akwikala pamulyango wane isiku ni siku, nukundindilila pamulyango wane.

Yesaya 30:18

Pachifukwa chinichi u Mwene akubalindilila ukuti abapelelaye ichisa, akunyamuka nukubalanjizya ichililizi pakuti u Mwene we Chala uwanaloli. Basayiwa bosi babo bakumulindilila!

Yesaya 35:8

Kulakula kukwiza pakubako umusebo, ghugho ghukwiza pakwitiziwa ukuti, “Umusebo Umuzelu.” Ababomba mbibi batakwiza pakwendamo, abapunganu batakwiza pakupulumpilamo.

Yesaya 42:16

Nkwiza pakubalongozya abafwamaso muzila zizyo batazimenye, nkwiza pakubalongozya muzila zizyo mutenditemo nalumolumo. Nkwiza pakuchipela ichisi pakuba lukozyo pantazi papabo, ubuzilo ubwa vibanka butenganiziwe. Ivi vyo vivyo nkwiza pakubomba, ntakwiza pakubaleka nalumo.

Yesaya 49:10

Batakwiza pakuba nizala pamo ni nyota, pamo ichitukizu pamo izuba vikwiza pakubocha. Yuyo ali ni chililizi papabo akwiza pakubalongozya, nukubalongozezya ku mbwibwi izya mizi.

Yesaya 54:13

Abana bako bosi bakwiza pakumanyisiwa nu Mwene, sona bakwiza pakwikala mumutende.

Yelemiya 31:9

Bakwiza pakunyokela kukwabo bo bakulila, bakwiza pakwiputagha bo bakunyokela. Nkwiza pakubalongolezezya kutusoko utwa mizi. Batakwiza pakwipunulamo mumusebo umutenganu, pachifukwa ichakuti ne wise uwa ba Izilayeli, sona u Efulayimu we katote wane.”

Mika 7:7

Loli ane, nkwiza pakubikapo nkani umoyo wane pa Mwene wane. Nkumulindilila u Chala Umupoki wane, u Chala wane akwiza pakunyivwa.

Luka 18:7

Nkimba u Chala atakwiza pakubalongela akiza abantu bache, babo bakumulilila umusanya nu busiku? Nkimba akwiza pakuzyelazyela pakubavwa?

Yohani 14:26

Loli Umwavwilizi, u Muzimu Umuzelu, yuyo Utata akwiza pakubatumila mwitabwa lyane, akwiza pakubamanyisya nukubakumbusya vyosi vivyo nababuzya.

Yohani 16:13

Loli bo u Muzimu Umuzelu, yuyo akuvumbula ubwanaloli ubwa Chala iza, akwiza pakubamanyisya ubwanaloli bosi. Atakwiza pakunena nu bulaghili ubwache nu bwache awe, loli akwiza pakunena zizyo akwivwa, sona akwiza pakubabuzya nizya vintu vivyo vikwiza pakuboneka muntazi.

Yohani 6:45

Abalaghuzi bakasimba bakati, ‘Bosi bakwiza pakumanyisiwa nu Chala.’ Umuntu wesi yuyo akwivwa zizyo u Tata akunena nukumanyila kukwache, weyuyo akwiza kukwane.

Aba Loma 8:14

Pakuti abantu babo bakulongoziwa nu Muzimu uwa Chala, bo bana aba Chala.

1 Yohani 2:27

Loli amwe mukapakaziwa nu Muzimu Umuzelu. Pene papo Umuzimu Umuzelu yuyo akwikala mumwinyu umwakuti chitakulondiwa sona ukuti umuntu yumo abamanyisye. Pakuti u Muzimu wache Umuzelu akubamanyisya nizya vintu vyosi, sona vivyo akumanyisya vyanaloli, vite vyabumyasi, awe. Po ivwila ubumanyisi ubwa Muzimu ukuti mwikale mukumamatilana poka nu Kilisitu.

Ubuvumbuli 7:17

Pakuti u Mwana uwa ng'ozi, yuyo ali pakasi na pakasi pachitengo icha bumwene akwiza pakuba mudimi wabo. Akwiza pakubalongolela ku mbwibwi iya mizi amapela bumi. U Chala umwenecho akwiza pakubasyumula amasozi ghosi.”