Masalimo 25:3 - IBAYIBOLO 2024

³ Umuntu yuyo akusubiye atakwiza pakukoziwa isoni nalumo, loli ubakozyanje isoni abantu abakusambuka.

Masalimo 25:3 Iomraidhean Croise

Ubwandilo 49:13

“U Zebuloni, akwiza pakwikala mulubazu ulwa nyanja. Akwiza pakuba liloboko ilya mabwato amakulu nkani, sona impaka yache yikwiza pakufika ku Sidoni.

1 Imbili 10:13

U Sabuli akafwa pachifukwa ichakuti atakaba musubiliwa kwa Mwene. Atakamwivwilagha u Mwene sona akabuzikizyanga ku mizimu iya bantu abafwe.

Masalimo 109:3

Banyavwaniye na mazyu agha lubengo, sona bansambukiye ukusita ichifukwa.

Masalimo 119:78

Abantu abakwituvya bakoziwanje isoni, pakuti banangiye papo pate ni chifukwa nachimochimo, loli ane nkwiza pakwinong'ona nizya malamulo ghako.

Masalimo 123:2

Ukuyana namumo umuzya umulumendo amusubiye u mwene wache, sona ngati mumo umuzya umulindu amusubiye u mwene wache, umwakuyana bulo aswe tukumulindilila u Mwene u Chala witu, mupaka atupelele ichisa.

Masalimo 132:18

Nkwiza pakubavwika isoni abalwani bache, Loli impumpu yache yinyezimilaye.”

Masalimo 22:6

Loli ane ne somi bulo, te ne muntu, abantu bakuntuka nukunsamula.

Masalimo 27:14

Umusubilaye u Mwene. Banga na maka sona ujimbaye, umusubilaye u Mwene.

Masalimo 31:17

Wee Mwene, utakitikizyanje ukuti nkoziwe isoni, pachifukwa ichakuti nakulaba. Loli abantu ababibi bakoziwanje isoni sona babanje bulo myee bo bali mwipumpa.

Masalimo 31:18

Abantu abamyasi babanje bulo myee, pakuti bakituvyanga nukubasamula abantu abagholosu.

Masalimo 33:20

Zagha tubikaye ulusubilo lwitu mwa Mwene, pakuti we mwavwilizi witu, sona we ngulu yitu.

Masalimo 35:26

Bakoziwanje isoni nkani nukuvulungana abantu bosi, babo bakuhoboka pachifukwa ichakuyimba kwane. Bakoziwanje isoni nukusamuliwa, babo bakwikwezya pamaso papane.

Masalimo 37:34

Umusubilaye u Mwene, nukuzikonka izila zyache, po akwiza pakukukwezya umwakuti ukwiza pakuchipyana ichisu. Bo abantu ababibi bazimila, ukwiza pakubennya.

Masalimo 6:10

Abalwani bane bosi bakwiza pakukoziwa isoni nukuba nubogha, po bakwiza pakuchimbila lubilolubilo pachifukwa icha soni.

Masalimo 62:1

Umoyo wane ghukuba bulo myee, pakumulindilila u Chala wane, pakuti weyuyo akumpoka.

Masalimo 62:5

Umoyo wane ghukuba bulo myee, pakumulindilila u Chala wane, ulusubilo lwane luli mumwache.

Masalimo 69:4

Abakumbenga binji nkani ukuchila isisi izya kumutu wane, sona abalwani bane babo bakulonda pakungogha binji nkani, umwakuti banfyengite bulo pakunyosezya papo ichintu chicho intibite?

Masalimo 69:6

Wee Mwene Uwamaka Ghosi, abantu babo bakusubiye batakakoziwanje isoni pachifukwa icha nene. Wee Chala, uwa ba Izilayeli, abantu babo bakukulondelezya batakakoziwanje isoni pachifukwa icha nene.

Masalimo 71:13

Abantu babo bakusunsya bazimilaye pachifukwa icha soni, sona bope babo bakulonda pakunvulazya, basamuliwanje nukukoziwa isoni.

Yesaya 25:9

Pisiku lilalila abantu bakwiza pakunena ukuti, “Naloli uyu we Chala witu, tukamusubila po akatupoka. Uyu we Mwene yuyo tukamusubila, zagha tusekelaye nukuhoboka pachifukwa icha kutupoka.”

Yesaya 40:31

Loli abantu babo bakumusubila u Mwene, amaka ghabo ghakwiza pakunyokela kubupya. Bakwiza pakubuluka ngati mazwanga, bakwiza pakuchimbila loli batakwiza pakulita, bakwiza pakwenda loli batakwiza pakudedebala.

Yesaya 49:23

Abamwene bakwiza pakuba ngati bo baghuso, sona abamwene babo bakolo bakwiza pakuba boba nyoko. Bakwiza ukwinama pantazi papako bo vyeni vyabo vikotamiye pasi, bakwiza pakumyanta ulufumbi ulwa kunyayo zyinyu. Po mukwiza pakuzimanya ukuti ane ne Mwene, babo bakunsubila batakwiza pakukoziwa isoni.”

Yelemiya 20:11

Loli u Mwene ali kulubazu lwane, ngati musilikali uwamaka ghosi, po babo bakunvwima bakwiza pakwipunula sona batakwiza pakumpota. Bakwiza pakukoziwa isoni akabalilo kosi, sona batakwiza pakumpota. Ukukoziwa isoni kwabo kutakwiza pakuluvyiwa.

Nkuto 3:25

U Mwene mwiza ku bantu babo bamusubiye, sona bosi babo bakubomba ubwighane bwache.

Mika 7:7

Loli ane, nkwiza pakubikapo nkani umoyo wane pa Mwene wane. Nkumulindilila u Chala Umupoki wane, u Chala wane akwiza pakunyivwa.

Yohani 15:25

Loli ichi chikabombiwa ukuti amazyu ghabo ghasimbiwe mu Ndaghilo zyabo ghakwanilisiwe ukuti, ‘Bakambenga pabusita chifukwa nachimochimo.’

Aba Loma 8:25

Loli nanti tukulindilila chicho tutakuchennya na maso, tukuchilindilila nu bololo.