Masalimo 25:12 - IBAYIBOLO 2024

¹² Nkimba pali umuntu yumo uwakumunyila u Mwene? Po u Mwene akwiza pakumumanyisya izila izyakuti asale.

Masalimo 25:12 Iomraidhean Croise

Ubwandilo 26:2

U Mwene akamubonekela u Yisaki nukumubuzya ukuti, “Utakabukaye ku Ijiputi, loli wikale muchisu chicho nkwiza pakukubuzya ukuti wikalayemo.

Masalimo 111:10

Ukumunyila u Mwene bo bwandilo ubwa mahala, bosi babo bakughakonka amalamulo ghache bakuba nubumanyi ubwakufikapo. U Mwene apaliwanje bwila na bwila.

Masalimo 32:8

Nkwiza pakukulanjizya nukukumanyisya izila izyakuti wendayemo, sona nkwiza pakukulongozya nukukwenelezya.

Masalimo 37:23

Nanti u Mwene ahoboka ni nkalo iya muntu, akumulongozya mukendele kache.

Ukufuma 4:15

Nena nawe nukumubuzya amazyu aghakuti anene. Nkwiza pakubavwa pakunena na mwebosi babili, sona nkwiza pakubabuzya izyakubomba.

Ivyili 1:7

Ukumunyila u Mwene bo bwandilo ubwa mahala, loli abapunganu bakughasulannya amahala na mafundwe.

Ivyili 15:33

Ukumunyila u Mwene kukumumanyisya amahala umuntu, sona umuchizi ghukwizagha nanti umuntu akwiyisya mwene.

Ivyili 16:6

Pachifukwa icha kwiyiyipa nu busubiliwa, imbibi izya muntu zikuhobokeliwanga, sona pachifukwa ichakumuchindika u Mwene umuntu akuzileghukagha imbibi.

Ivyili 2:5

Polelo ukwiza pakumanya pakumunyila u Mwene nukughaghannya amahala agha Chala.

Ivyili 2:9

Po ukwiza pakubumanya ubugholosu nu bwanaloli, nu bwiza, sona ni zila zyosi inyiza.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Yesaya 35:8

Kulakula kukwiza pakubako umusebo, ghugho ghukwiza pakwitiziwa ukuti, “Umusebo Umuzelu.” Ababomba mbibi batakwiza pakwendamo, abapunganu batakwiza pakupulumpilamo.

Yesaya 50:10

Nkimba wewenu pakasi papinyu akumunyila u Mwene nukughivwila amazyu agha mubombi wache? Muleka yuyo akwenda muchisi, yuyo ate nulukozyo, akusubila itabwa ilya Mwene, sona amusubiye u Chala wache.

Yohani 7:17

Umuntu wesi yuyo akulonda pakubomba vivyo u Chala akulonda, akwiza pakumanya nanti vivyo nkumanyisya vifumite kwa Chala pamo nkunena nu bulaghili ubwane nu bwane.

Imbombo 10:2

Umwene ni mbumba yache yosi bakaba bantu abakumwiputa u Chala. Akabomba imbombo inkulu pakubavwa bantu abapina aba Chiyuda, sona akabalilo na kabalilo akamwiputagha u Chala.

Imbombo 10:22

Bakamula bakati, “Usongo u Kolineliya atutuma. Umwene muntu mugholosu, yuyo akumwiputa u Chala, sona achindikiwe nkani naba Yuda bosi. Uwantumi uwakumwanya uwa Chala akamubuzya ukuti akwitizye awe ukuti ubuke kunyumba yache, ukuti ivwe zizyo ukulonda pakunena.”

Imbombo 11:14

Akwiza pakubabuzya amazyu ghagho ghakwiza pakukupoka awe ni mbumba yako yosi.’

Imbombo 13:26

“Mwee bakamu bane, abaluko ulwa Abulahamu na bantu bosi babo bate ba Yuda babo bakumwiputa u Chala: Amazyu aghabupoki agha ghatumiwa kukwitu!

Yoshwa 3:4

Bunubu mukwiza pakuyimanya izila iyakuti mwendemo, pakuti mutenditemo nalumo muzila yiniyi. Loli mutakapalamilaye kupipi ni Bokosi ilya Lufingo lila. Pakasi papinyu ni Bokosi lila pabanje amamita 1,000.”

1 Yohani 2:27

Loli amwe mukapakaziwa nu Muzimu Umuzelu. Pene papo Umuzimu Umuzelu yuyo akwikala mumwinyu umwakuti chitakulondiwa sona ukuti umuntu yumo abamanyisye. Pakuti u Muzimu wache Umuzelu akubamanyisya nizya vintu vyosi, sona vivyo akumanyisya vyanaloli, vite vyabumyasi, awe. Po ivwila ubumanyisi ubwa Muzimu ukuti mwikale mukumamatilana poka nu Kilisitu.

1 Samuweli 9:6

Loli uwambombo yula akamwamula akati, “Mukaya akakulu aka muli umuntu yumo uwa Chala umuchindikiwa nkani, pachifukwa ichakuti zyosi zizyo akunena zikukuba zyanaloli. Twende tubuke kulakula, lumo angatubuzya kuko tungazyagha impunda zila.”