Masalimo 25:11 - IBAYIBOLO 2024

¹¹ Wee Mwene pachifukwa icha wewe, uhobokelaye imbibi napapo nkulu.

Masalimo 25:11 Iomraidhean Croise

Masalimo 109:21

Loli awe wee Mwene Uwamaka Ghosi, umbombelaye inyiza, umwakuti indichindikaye itabwa lyako, umpoke pachifukwa icha lughano lwako ulwiza ulwa bwila na bwila.

Masalimo 143:11

Wee Mwene, sungilila ubumi bwane, pachifukwa icha itabwa lyako. Sona unyefyemo muntamyo pakuti we mugholosu.

Masalimo 31:3

Pakuti we lyalabwe lyane ni linga lyane, sona pachifukwa icha litabwa lyako, undongozye nukundongolela.

Masalimo 79:9

Wee Chala Umupoki witu twavwe, pachifukwa icha itabwa lyako ichindamu. Tupoke sona utuhobokelaye imbibi zyitu, pachifukwa icha itabwa lyako.

Ukufuma 34:7

Nkubalanjizya ulughano lwane abantu amasabuzani pakubahobokela imbibi zyabo nukunanga kwabo. Loli ntakwiza pakubaleka bulo abana na bizukulu babo mupaka ninkulilo iyabutatu ni yafolo pachifukwa icha mbibi izya bapapi babo.”

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yesaya 48:9

Pachifukwa icha itabwa lyane ntakukalala lubilolubilo, pachifukwa icha mapalo ghane nkufisa ubukali bwane, umwakuti ntakabanangannye.

Yelemiya 14:7

Abantu bakuti, “Napapo imbibi zyitu zikutubikila ubwakaboni, wee Mwene, bombapo zimo pachifukwa icha itabwa lyako. Pakuti twakukana, sona twakunangila akabalilo kosi.

Ezekiyeli 20:9

Nkabomba bunubu pachifukwa ichakulivighilila itabwa lyane ukuti litakanyaziwanje pamaso pa inko zizyo aba Izilayeli bakikalagha pakasi papabo, zizyo zikanyennya bo nkubefya aba Izilayeli muchisu icha Ijiputi.

Ezekiyeli 36:22

“Polelo babuzye aba mu Izilayeli ukuti, ‘U Mwene Uwamaka Ghosi ati: Te bwighane bwinyu, mwee ba Izilayeli, nkwiza pakubomba ivintu vinivi, loli pachifukwa icha itabwa lyane izelu, lilyo mwalinyazya pakasi pa inko kuko mukabuka.

Aba Loma 5:15

Loli babili banaba batayanite, pakuti ichabupi ichabulo icha Chala chitayanite nukunanga ukwa Adamu. Momumo ukuti abantu abinji bakafwa pachifukwa icha kunanga ukwa muntu weka yula. Loli ichisa icha Chala chikulu nkani, sona ni chabupi ichabulo icha bantu abinji ukwendela muchisa icha muntu weka, u Yesu Kilisitu.

1 Yohani 2:12

Nkubasimbila amwe mwe bana bane, mwe imbibi zyinyu zyahobokeliwa pachifukwa icha vivyo u Kilisitu akabomba.