Masalimo 25:10 - IBAYIBOLO 2024

¹⁰ Izila zyosi izya Mwene izya lughano sona nsubiliwa, ku bantu babo bakughasunga amalamulo agha lufingo lwache.

Masalimo 25:10 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 24:27

Akati, “Apaliwanje u Mwene, u Chala uwa mwene wane u Abulahamu, yuyo akusunga umwakusubiliwa zizyo akamulayizya u mwene wane. U Mwene andongolela ane kunyumba iya bakamu abamwene wane.”

Ubwandilo 5:24

Akabalilo kosi aka bumi bwache akikalagha mukumamatilana poka nu Chala. U Enoki akazyebeluka bulo pakuti u Chala akamusenda.

2 Samuweli 15:20

Awe wizite bulo ulutazi. Po nkimba choni chicho ukuti ilelo wembele poka nane? Nyokela poka na bantu bako. Ichisa nubusubiliwa ubwa U Mwenevibanje nawe.”

Masalimo 138:7

Napapo nkwenda muntamyo, ukubusungilila ubumi bwane. Ukugholosya inyobe yako pakubakanizya abalwani bane babo bankalaliye, sona inyobe yako indilo yikumpoka.

Masalimo 33:4

Pakuti amazyu agha Mwene magholosu sona ghanaloli, sona we musubiliwa muvyosi vivyo akubomba.

Masalimo 40:11

Wee Mwene utakanyimaye ichisa chako, sona ulughano nu busubiliwa bwako vinvighililaye akabalilo kosi.

Masalimo 50:23

Umuntu yuyo akubika ivyakwiyipa ivyakupalizikizya akunchindika, sona yuyo akwenda izila ingolosu nkwiza pakumulanjizya ubupoki bwane.”

Masalimo 57:3

Akutuma ubwavwilizi bwache kumwanya nukumpoka, po akwiza pakubakozya isoni babo bakanjivya. U Chala akwiza pakungana pachifukwa ichakuti musubiliwa.

Masalimo 85:10

Ulughano nu busubiliwa vikomanaye, ubugholosu nu mutende vilamunkanaye nu lughano ulwenecho.

Masalimo 89:14

Ubugholosu bwako nu bwanaloli lo lwalo lwachitengo icha bumwene bwako. Ulughano nu busubiliwa vikukufughamilila.

Masalimo 91:14

U Mwene akuti, “Pachifukwa ichakuti anganite, nkwiza pakumupoka. Nkwiza pakumupoka pachifukwa ichakuti akunyitika.

Masalimo 98:3

Alukumbuka ulughano lwache, sona abalanjizya aba Izilayeli ubusubiliwa bwache. Po abantu bosi aba kubumalilo ubwa chisu ichapasi babwennya ubupoki ubwa Chala witu.

Yesaya 25:1

Wee Mwene, awe we Chala wane, nkwiza pakulikwezya nukulipala itabwa lyako, pachifukwa icha busubiliwa bwako ubwakufikapo, wabomba ivyakuswighisya vivyo ukabatika kale.

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

Hoseya 14:9

Nkimba muntu wenu uwa mahala? Ivwisye ivintu vyosi vinivi. Nkimba muntu wenu yuyo akuvyaghannya ivintu vinivi, avimanye ivintu vinivi. Pakuti izila izya Mwene zigholokite, sona abagholosu bo babo bakwendamo, loli abantu abasambuke bakwipunulamo.

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 1:17

U Chala akatupa Indaghilo ukwendela mwa Mozesi, loli akatupa ichisa nu bwanaloli ukwendela mwa Yesu Kilisitu.

Imbombo 10:35

loli akumupokela umuntu wesi yuyo akumwiputa nukubomba chicho chigholosu ukusita pakwennya uluko lwache.

Aba Loma 2:13

Pakuti, bate bo babo bakwivwa bulo Indaghilo babo u Chala akubanena ukuti bantu bagholosu pamaso papache, loli babo bakubomba zizyo Indaghilo zikunena, bo babo u Chala akubanena ukuti bantu bagholosu pamaso pa Chala.

Aba Loma 8:28

Tuzimenye ukuti ivintu vyosi vikubendela akiza abantu babo bamughanite u Chala, babo bitiziwa ukuyana nu bwighane bwache.

Aba Hebeli 12:14

Yezya nkani ukwikala mumutende na bantu bosi, sona mubanje bazelu. Pakuti ukusita ubuzelu nayumo umuntu yuyo akwiza pakumwennya u Mwene.

Yakobo 5:11

Abantu banaba tukubitizya ukuti bahobosu pachifukwa ichakuti bakajimba mumayimba. Kumbuka namumo u Yobu akajimbila mumayimba, sona namumo u Mwene akamwamulila pabumalilo. Pakuti u Mwene wachisa, sona walupazikizyo.